Kwan 26:10 - MUMA MALER 2015

¹⁰ Bang’e piny nong’amo dhoge, mi omwonyogi kaachiel gi Korah, mi ogandagi norumo, kendo mach nowang’o ji mia ariyo gi piero abich kande. Ne gidoko ranyisi ma siemo ji.

Motingʼo Loko Manyien

¹⁰ Piny nongʼamo dhoge mi omwonyogi kaachiel gi Kora, ma joma ne luwo bangʼe ji mia ariyo gi piero abich notho e mach. Jogi nobedo kaka ranyisi mar siemo ji.

Kwan 26:10 Iomraidhean Croise

Wuok 16:35

Jo-Israel nochamo manna kuom higni piero ang’wen, nyaka ne gichopo e piny mane ginyalo dakie. Ne gichamo mannano kamano nyaka ne gichopo e mbap piny Kanaan. (

Jeremia 29:22

Ka joma ne ogol Jerusalem moter Babulon e tuech dwaro kuong’o ng’ato, to giniwach niya, “Ruoth Nyasaye mondo otimni kaka notimo ni Zedekia gi Ahab, mane ruodh Babulon owang’o ka ngima gi mach!”

Ezekiel 14:8

Anabed mamon kode, mi atime ranyisi ma asetimogo ji, bende anagole kuom oganda joga, mi ung’e ni an e Ruoth Nyasaye.

Kwan 16:2

ne jotamore bet e bwo Musa, kendo jo-Israel mia ariyo gi piero abich ma jotend oganda kendo ma joma ogen bende ne ni kodgi e wachno.

Kwan 16:38

Adier, tewni mag joma timo richo, mi oyudo kum mar tho ler, nikech osechiwgi e nyim Ruoth Nyasaye. Omiyo nyaka uthedhgi mopamore mondo oumgo kendo mar misango. Ginibed rapar ni jo-Israel.”

Kwan 17:3

Kuom ludh dhood Lawi to mondo indikie nying Harun, nimar luth ka luth nyaka bed mar jatelo ka jatelo.

Kwan 27:3

“Wuonwa ne otho e thim, to ne ok en achiel gi jo-Korah mane piem gi Ruoth Nyasaye. Ne otho athoya kuom richone owuon, kendo noonge gi yawuowi.

Rapar mar Chik 11:6

kod gima notimo ni Dathan kod Abiram, yawuot Eliab ma ja-Reuben, kendo kaka piny nong’amo dhoge momwonyogi kaachiel gi joodgi gi hembegi kod ji duto mane gin-go, mana ka jo-Israel duto neno.

Rapar mar Chik 28:46

Masichego nobednu ranyisi mochwere, kendo ni nyikwau,

2 Petro 2:6

Nyasaye nokumo mier mag Sodom gi Gomora, kowang’ogi, mi gilokore buru. Kamano nolokogi ranyisi mar gima biro timore ni joma ok oluoro Nyasaye.

Juda 1:7

Bende paruru Sodom gi Gomora kod mier mokiewo kodgi. Gin bende ne gidonjo e tim terruok kod dwanyruok madhoch, mi giyudo kum mar mach mak tho, mondo obed ranyisi ni ji duto.

1 Samuel 2:34

Gima notimre ni yawuoti ariyo, ma Hofni gi Finehas, nobedni ranyisi. Ginitho giduto chieng’ achiel.