Kwan 23:1 - MUMA MALER 2015

¹ Eka Balam nowacho ni Balak niya, “Gerna kende abiriyo mag misango ka, kendo kelna ruedhi abiriyo gi imbe abiriyo.”

Motingʼo Loko Manyien

¹ Balaam nowacho niya, “Gerna kende abiriyo mag misango ka, kendo ikna rwedhi abiriyo kod imbe abiriyo.”

Kwan 23:1 Iomraidhean Croise

2 Ruodhi 18:22

To kuwachona ni ugeno kuom Ruoth Nyasaye ma Nyasachu, donge en ema Hezekia oseketho hembkone gi kuonde mitimonee misengni kochiko jo-Juda gi jo-Jerusalem ni nyaka lem mana e nyim kendo-mar-misango man Jerusalem?

1 Weche mag Ndalo 15:26

Ne gitimo misango gi ruedhi abiriyo kod imbe abiriyo, nimar Nyasaye ne konyo jo-Lawi ma noting’o Sandug Muma mar Ruoth Nyasaye.

2 Weche mag Ndalo 29:21

Ne gikelo ruedhi abiriyo gi rombe abiriyo gi nyirombe abiriyo kod nyuogi abiriyo, mondo gitimgo misango mar golo richo mag dhood joka ruoth gi mag jodolo kod mag jo-Juda duto. Nochiko jodolo ma nyikwa Harun mondo otim kodgi misango e kendo-mar-misango mar Ruoth Nyasaye.

Ayub 42:8

Omiyo koro kaw ruedhi abiriyo gi imbe abiriyo, iter ni Ayub mondo utim go misango, upwodhrugo. Ayub biro lemonu, mi nawinj lemone, kendo ok nakuod wiu moromo gi fupu.”

Wuok 20:24

Nyaka ulosna kendo-mar-misango mar lowo, kendo utimie misengni miwang’o pep, kod misengni mag sawo, mutimo gi rombu kod dhou. Kamoro amora ma achiko ni mondo ulamae, to anabie kendo naguedhue.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ezekiel 33:31

Kuom mano joga chokore mondo owinj gima iwacho, to kata obedo ni iwachonigi gima onego gitim, to ok gitim. Miriambo ema gihero kendo pesa ema giketoe chunygi.

Ezekiel 45:23

To odiechieng’ kodiechieng’ mar ndalo abiriyo mag sawogo, nyaka ochiw ni Ruoth Nyasaye ruedhi abiriyo kod imbe abiriyo maonge songa, ka misango miwang’o pep. Bende nyaka ochiw nywok odiecheng’ kodiechieng’ ka misango mar golo richo.

Kwan 22:41

Kinyne gokinyi Balak nokawo Balaam motero ewi got miluongo ni Bamoth-baal, kuma ne onyalo nenogo oganda jo-Israel duto.

Kwan 23:2

Balak notimo kamano, mochiwo rwath achiel gi im achiel e kendo ka kendo-mar-misango.

Kwan 23:29

Eka Balaam ne onyise mondo olosne kende abiriyo mag misango kanyo, kendo ochiw ruedhi abiriyo kod imbe abiriyo.

Kwan 23:30

Balak notimo kaka ne Balaam onyise mi ochiwo rwath achiel gi im achiel e kendo ka kendo.

Kwan 29:32

“Chieng’’ mar abiriyo unuchiw ruedhi abiriyo gi imbe ariyo kod nyiimbe apar gang’wen ma hikgi achiel achiel mondo otimgo misango. Jamnigo duto nyaka bed maonge songa.

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Juda 1:11

Mano kaka ginine malit! Gise mana luwo yo mane Kain oluwo, kendo gisemwomore e ketho mar Baalam nikech gihero pesa, bende giseng’anyo kaka Korah nong’anyo, mi girumo mana kaka en bende norumo.

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.