Kwan 22:3 - MUMA MALER 2015

³ To jo-Moab bende kihondko malich nomako, nikech ne gineno ka jo-Israel ng’eny ahinya.

Motingʼo Loko Manyien

³ kendo Moab ne nigi bwok maduongʼ nikech jogo ne ngʼeny ahinya. Adiera, Moab luoro nomako ahinya nikech jo-Israel.

Kwan 22:3 Iomraidhean Croise

Nehemia 13:2

nikech ne ok giromo ni jo-Israel gi chiemo kata gi pi, to ne ging’iewo Baalam mondo okuong’gi. To Nyasachwa noloko kuong’no obedo gueth.

Zaburi 53:5

To kihondko ma pok ginenoe nyaka nene biro makogi, nikech Nyasaye keyo choke joma kwede. Nologi chuth, mi giyud wichkuot, nikech Nyasaye osedagigi.

Wuok 1:12

To kaka nomed sandogi e kaka ne gimedo bedo mang’eny kendo gilandore, nyaka jo-Misri nodoko mosin kodgi, kendo oluorogi.

Wuok 15:15

Koro luoro omako jodong Edom, kendo ruodhi mag Moab ochako kirni. Ji duto modak Kanaan, bende chirgi olal.

Wuok 23:27

“Anaor kihondko otel nyimu mondo ochand joma dwaro kedo kodu, mi anami wasiku duto ringu.

Isaya 23:5

Ka jo-Misri owinjo masira ma biro mako Turo, to ginichandre malit mi giwach niya,

Rapar mar Chik 2:25

Chakre kawuono abiro miyo ogendni duto ma e piny ngima luorou ahinya, ma kata ka giwinjo mana humbu, to gibiro kirni ka kihondko omakogi.’

Joshua 2:24

Ne ginyise weche duto ma notimorenigi, ka gimedo nyise niya, “Ruoth Nyasaye osemiyowa pinyno duto, kendo kibaji osemako ji duto, ka giwinjo birowa.”

Joshua 9:24

Ne gidwoke niya, “Ruoth, ne watimo kamano nikech nonyiswa ni Ruoth Nyasaye ma Nyasachi nochiko Musa jatichne ni mondo ochiwnu pinyni duto, kendo ni mondo uneg ji duto modakie. Kuom mano, birou osemiyo kihondko omakowa.