Kwan 21:5 - MUMA MALER 2015

⁵ To ne gichako ng’ur ka gin e yo, mi giywak ni Nyasaye kod Musa, ka giwacho niya, “Ere gimomiyo usegolowa e piny Misri mondo watho e thimni, kama onge chiemo kata pi? Chiemo marachni ojogowa!”

Motingʼo Loko Manyien

⁵ omiyo negikwedo Nyasaye kod Musa, mi giwacho niya, “En angʼo momiyo ne igolowa Misri mondo watho e thimni? Waonge chiemo, waonge pi! Ok wadwar chiemo marachni!”

Kwan 21:5 Iomraidhean Croise

Zaburi 78:19

Ne giwuoyo kuome marach, ka gipenjore, niya, “Bende Nyasaye nyalo miyowa chiemo e thim ka adier?

Kwan 16:41

To kinyne oganda duto mar Israel nong’ur ni Musa gi Harun, ka giwachonigi gisemiyo jo Ruoth Nyasaye moko otho.

Kwan 17:12

Bang’e jo-Israel nowacho ni Musa niya, “Waserwenyo! Waduto warumo!

Wuok 14:11

Ne giwacho ni Musa niya, “Donge liete ni Misri? Ang’o momiyo nikelowa oko e thim ka, mondo wathoe? Koro neye gima isetimo kuom golowa Misri!

Ngeche 27:7

Ka ng’ato oyieng’ to kata mana mor kich ok odwar. Ka odenyo to kata mana chiemo makech mitne amita!

Zaburi 68:6

En ema omiyo joma piny ochamo mier mondoo odagie, kendo ogonyo joma otue, oketo kama ber. Joma odage to nodag mana e piny motwo.

Wuok 16:31

Jo-Israel nochako chiemono ni, ‘Manna’. Nochalo gi kodhi matindotindo marachere, kendo nomit ka kek moted gi mor kich.

Wuok 16:15

Jo-Israel nonenogo, to ne ok ging’eyo ni en ang’o, omiyo ne gipenjore kendgi giwegi ni, “Mano to ang’o?” Musa nodwokogi niya, “Mano e kuon ma Ruoth Nyasaye osemiyou mondo ucham.

Wuok 15:24

Ji noywak ni Musa, ka giwacho niya, “Wabiro modho ang’o?”

1 Jo-Korintho 10:9

Bende kik watem Ruoth, kaka jomoko kuomgi noteme, mi thuonde onego!

Ezekiel 20:21

“To kata obedo ni ne akwerogi kamano, to gin bende ne gipiem koda. Ne giketho chikena, kendo ne ok girito buchena, ma ka ng’ato orito, to yudo ngima. Ne giketho ndalo mag Sabatona, omiyo ne achano mondo atiekgi duto gi mirimba mager e thim kuno.

Kwan 11:20

to unuchame kuom due ngima, nyaka chop othing’u, mi ung’ogi, nikech usedagi Ruoth Nyasaye modak e kindu, kendo useywakne kuwacho niya, “Ang’o momiyo ne wawuok e piny Misri?” ’ ”