Kwan 19:2 - MUMA MALER 2015

² “Wachnigiuru ni mondo gikel ni Musa dhiang’ malando ha maonge songa, kendo ma pok otuene jok.

Motingʼo Loko Manyien

² “Ma e dwaro mar chik ma Jehova Nyasaye osechiko: Nyis jo-Israel mondo okel nyaroya ma silwal maonge songa kata ma ok ongʼol kendo mapok otwe e jok.

Kwan 19:2 Iomraidhean Croise

Wuok 12:5

Chiayono nyaka bed nyarombo kata nyadiel ma dichwo ma jahiga achiel ma onge songa.

Isaya 1:18

Ruoth Nyasaye wacho niya, “Koro biuru, wapor wach kaachiel. Kata obedo ni richou kwar manade, to ginidog matar ka pe. Adier, kata ka gikwar ka remo, to ginibed marachar ka pamba.

Ywagruok 1:14

Osedhogo richona kuoma gi lwete owuon. Adier, ne oketo jok mare e ng’uta, mi pek mar jokno otieko tekra. Ruoth Nyasaye osejwang’a e lwet wasika, kendo ok anyal sirogi.

Tim jo-Lawi 1:10

Ka ng’ato ochiwo rombo kata diel mondo otimgo misango miwang’o pep, to nyaka obed im kata nyuok maonge songa.

Tim jo-Lawi 1:3

Ka ng’ato chiwo dhiang’ mondo otimgo misango miwang’o pep, to nyaka obed rwath maonge songa. Enochiwe e dhoranga Hemb Romo e nyim Ruoth Nyasaye mondo Ruoth Nyasaye oyie kode.

Tim jo-Lawi 14:6

Bang’ mano nokaw winyo mangima gi yiend sida gi usi makwar kod owino, mi nolutgi e remb winyo mosenegno.

Kwan 19:1

Ruoth Nyasaye nowacho ni Musa gi Harun mondo onyis jo-Israel chik moseketno, kowacho miya,

Kwan 19:6

Jadolo nokaw yiend sida gi owino kod usi makwar, mi nobolgi e chuny mach ma dhiang’ wang’ie.

Kwan 31:21

Eleazar jadolo nowacho ni jolweny mane dwogo koa e lweny niya, “Ma e chik achiel kuom chike mane Ruoth Nyasaye omiyo Musa.

Luka 1:35

Eka malaika nodwoke ni, “Roho Maler biro lor kuomi, kendo teko mar Nyasaye Maduong’ Moloyo biro umi. Kuom mano, nyathi maler mibiro nywolono noluong ni, ‘Wuod Nyasaye’.

Rapar mar Chik 21:3

Jodong dala machiegni gi ringruokno nyaka yier nyaroya ma pok otiyo tich moro kata ma pok oywayo jok.

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.

Jo-Hibrania 9:10

nimar gik mobadhe gin mana chiemo gi gik ma imadho kod tim lwok mopogore opogore. Magi gin mana chik mag tim maoko ma oketi mondo oti nyaka chop kinde ma Nyasaye losoe gik moko manyien.

1 Petro 1:19

to nowaru gi remo ma nengone tek mar Kristo, mane ochiw ka nyarombo motimgo misango ma onge songa kata mbala.

1 Petro 2:22

Muma wacho niya, “Ne ok otimo richo, bende miriambo ne ok owuok e dhoge.”

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,

1 Samuel 6:7

“Emomiyo koro uik gari manyien, kendo ukaw duesni ariyo madhodho, ma yandi pok otuenigi jok. Tueuru dhogo e garino, to ugol nyithindgi kuomgi, odong’ dala.