Kwan 18:3 - MUMA MALER 2015

³ Ginibed ka gikonyou, mi gitiek tije duto mag Hema, to kik gisud machiegni gi gik maler, kata gi kendo-mar-misango, nono to githo kaachiel gi un bende.

Motingʼo Loko Manyien

³ Nyaka giwinju kendo giti tije duto mag Hema, to kik gidhi machiegni gi gig kama ler mar lemo kata mag kendo mar misango, ka ok kamano to gin kod un duto ubiro tho.

Kwan 18:3 Iomraidhean Croise

Ezekiel 44:13

Ok ginichak gitina kaka jodolo, bende ok ginidhi but gik maler mowalna, kendo ok ginidonj Kama Ler Moloyo. Mano e wichkuot ma ginine kuom gik maricho ma gisebedo ka gitimo.

Kwan 1:51

Ka Hema Maler dhi kamoro, to jo-Lawi ema nopudhe, kendo kochopo kama gidhiye, to gin ema onego gigure. Ka ng’ato ang’ata ma ok owal ni tijno osudo but Hema Maler, to nyaka nege.

Kwan 1:53

To jo-Lawi nogur hembegi e alwora mar Hema Maler mar Rapar, mondo mirimba kik bi kuom oganda duto mag Israel. Kamano jo-Lawi ema nobed karito Hema Maler mar Rapar.”

Kwan 16:40

mondo obed rapar ni jo-Israel ni ng’ato ang’ata ma ok jadolo, kendo ma ok jaka Harun kik wang’ ubani ni Ruoth Nyasaye, nono to otho mana kaka Korah kod joge. Mago duto notimore mana kaka Ruoth Nyasaye nomiyo Musa ochiko Eleazar.

Kwan 18:4

Ginibed kodu, kendo ginikaw ting’ duto mag rito Hema e yo moro amora, to onge ng’at ma ok jadolo ma nosud machiegni kodu.

Kwan 18:7

To in gi yawuoti kende ema nyaka uti tichu mar dolo mitimo e kendo-mar-misango, kendo mitimo e tok Pasia. Tich dolono e tich ma amiyou. Ng’ato ang’ata ma ok jadolo motiyo tich dolo nyaka negi.”

Kwan 3:25

To kuom tich Hemb Romo, joka Gershon ne omi tich rito Hema Maler, kaachiel gi gik miumego, kod pasia mar dhood Hemb Romo,

Kwan 3:31

kendo ne omigi tich rito Sandug Muma gi mesa gi rachung taya gi kende mag misango gi gik moko duto mitiyogo e lemo, kod pasia gi gige duto.

Kwan 3:36

Joka Merari ne omi tich rito frembe gi rariw gi sirni gi rachungi mag Hema Maler, kaachiel gi gige duto kod gik moko duto mitiyogo kanyono,

Kwan 31:30

To kuom gik mopog ni jo-Israel modong’, ugolie achiel kuom piero abich abich, bed ni gin ji kata dhok kata kenje kata rombe, omi jo-Lawi ma jorit Hema Maler mar Ruoth Nyasaye.”

Kwan 4:15

Pile ka kambi dar, to joka Kohath nyaka bi mondo oting’ Hema Maler kod gige duto. To kik gibi ka pok Harun gi yawuote otieko umogi, bende kik gimul gimoro amora maler, nono to githo. Mago duto gin gik Hemb Romo ma joka Kohath ema ting’o.