Kwan 18:2 - MUMA MALER 2015

² Iniwe jodhoodu ma joka Lawi bed kodu kendo konyu, kutiyo gi yawuoti e nyim Hemb Rapar.

Motingʼo Loko Manyien

² Kel jo-Lawi weteu koa e dhoutu mag anywola mondo oriwre kodi kendo gikonyu ka in kod yawuote tiyo e nyim Hema mar Sandug Rapar.

Kwan 18:2 Iomraidhean Croise

Chakruok 29:34

Nomako ich kendo, monywolo wuowi mar adek. Nowacho niya, “Koro chwora biro padore kuoma, nimar asenywolone yawuowi adek.” Mi nochake ni Lawi, (tiende ni padruok.)

2 Weche mag Ndalo 30:16

Ne gikawo keregi e tich, kaluwore gi chik Musa ng’at Nyasaye, kendo jodolo nokiro remo mane jo-Lawi ogamonigi.

Ezekiel 44:11

Ginyalo tiyona e Hekalu, ka girito dhorangeye, kendo ka gitiyona tije mamoko mag Hekalu. Ginyalo yang’o jamni ma ji chiwo kaka misengni miwang’o pep kod misengni mamoko, kendo nyaka gichung’ e nyim ji ka gitiyonigi.

Ezekiel 44:15

“An Ruoth Nyasaye awacho kama: Jodolo ma jo-Lawi ma nyikwa Zadok to ne odhi nyime katiyona maber e Hekalu, ka jo-Israel mamoko to oringo oweya, kuom mano, koro gin ema nyaka gitina, kendo gibi e nyima mondo gichiwna boche kod remo mag misengni.

Malaki 2:4

Eka ubiro ng’eyo ni an ema asemiyou chikni, mondo singruok mane atimo gi nyikwa Lawi osik kogurore motegno.

Kwan 1:53

To jo-Lawi nogur hembegi e alwora mar Hema Maler mar Rapar, mondo mirimba kik bi kuom oganda duto mag Israel. Kamano jo-Lawi ema nobed karito Hema Maler mar Rapar.”

Kwan 16:40

mondo obed rapar ni jo-Israel ni ng’ato ang’ata ma ok jadolo, kendo ma ok jaka Harun kik wang’ ubani ni Ruoth Nyasaye, nono to otho mana kaka Korah kod joge. Mago duto notimore mana kaka Ruoth Nyasaye nomiyo Musa ochiko Eleazar.

Kwan 17:7

Musa noketogi e nyim Ruoth Nyasaye ei Hemb Rapar.

Kwan 18:4

Ginibed kodu, kendo ginikaw ting’ duto mag rito Hema e yo moro amora, to onge ng’at ma ok jadolo ma nosud machiegni kodu.

Kwan 3:5

Ruoth Nyasaye nowacho ni Musa niya,

Kwan 4:15

Pile ka kambi dar, to joka Kohath nyaka bi mondo oting’ Hema Maler kod gige duto. To kik gibi ka pok Harun gi yawuote otieko umogi, bende kik gimul gimoro amora maler, nono to githo. Mago duto gin gik Hemb Romo ma joka Kohath ema ting’o.

Kwan 8:19

Aseketo jo-Lawi e lwet Harun gi yawuote, ka joma owal kuom jo-Israel mondo oti tich lemo ni jo-Israel e Hemb Romo kendo opwodhnigi richogi, mondo kik jo-Israel tho ka sudo machiegni gi Kama Ler.”

Kwan 8:22

Bang’e ne gidonjo e Hemb Romo mondo giti tich lemo e nyim Harun gi yawuote, kamano Musa notimo ni jo-Lawi mana kaka Ruoth Nyasaye nochike.

Jo-Hibrania 9:6

Kamano e kaka ne ochan gigo. Jodolo donjo e hema maoko pile, kendo tiyo tijegi mag lemo.