Kwan 16:3 - MUMA MALER 2015

³ Ne giriwore giduto ni Musa gi Harun, mi giwachonigi niya, “Marang’o uhedhoru moloyo, to ng’ato ka ng’ato kuom oganda jo-Israel owal ni Ruoth Nyasaye, kendo Ruoth Nyasaye ni kodgi giduto. Ere gima omiyo ukaworu moloyo jo Ruoth Nyasaye duto?”

Motingʼo Loko Manyien

³ Negibiro kaka oganda achiel mochokore mondo giked gi Musa kod Harun kendo negiwachonegi niya, “Usetimo mokalo tongʼ! Oganda duto ler, ngʼato ka ngʼato kuomgi, kendo Jehova Nyasaye ni kodgi. En angʼo momiyo koro uketoru malo moloyo oganda mar Jehova Nyasaye?”

Kwan 16:3 Iomraidhean Croise

Ezra 9:2

Gisekendo nyi joma ok jo-Yahudi, ma koro odak e pinyni, kendo yawuotgi bende gisekendonigi nyi jogo. Kamano oganda maler mar Nyasaye osenywandore gi joma ok jo-Yahudi. To jotelo gi jodongo ema josebedo joketho moloyoe jomoko.”

Zaburi 106:16

Kane pod gin e thim, nyiego ne omakogi gi Musa, kendo gi Harun, jatich mowal ni Ruoth Nyasaye.

Zaburi 68:17

Kane Ruoth Nyasaye owuok Sinai kadhi e Hekalu mare, ne en gi geche lweny madongo gana gi gana.

Wuok 19:6

Unubed oganda mowal, matiyona ka jodolo.’ Mano e wach ma onego inyis jo-Israel.”

Kwan 14:14

kendo gibiro nyiso jo-Kanaan kamano. Gin bende koro gisewinjo ni idak e dier jogi, kendo ni gineni wang’ gi wang’. Ging’’eyo bende ni bor polo mari ochung’ ewi jo-Israel, ka itelonigi e siro mar bor polo godiechieng’, to gotieno itelonigi e siro mar mach.

Kwan 16:11

Mano emomiyo in kaachiel gi jogi duto useriworu ka ukwedo Ruoth Nyasaye. Uparo ni Harun nigi teko manade, ma omiyo onego uywagne kamano?”

Kwan 16:41

To kinyne oganda duto mar Israel nong’ur ni Musa gi Harun, ka giwachonigi gisemiyo jo Ruoth Nyasaye moko otho.

Kwan 16:7

uket mach e igi, mi uolie ubani e nyim Ruoth Nyasaye. Ng’at ma kiny Ruoth Nyasaye oyiero e ng’at mowalne. Un ema uhedhoru moloyo, un jo-Lawi!”

Kwan 23:21

Onge ketho moseyudo kuom joka Jakobo. Ooyo, onge richo moseneno kuom jo-Israel. Ruoth Nyasaye ma Nyasachgi ni kodgi en ema giyie ni en Ruodhgi.

Kwan 35:34

Kik uchid pinyu mudakie, kendo ma an bende adakie, nimar an Ruoth Nyasaye adak e kind jo-Israel.”

Kwan 5:3

Nyaka uketgi gidag oko mar kambi, bed ni gin chwo kata mon, mondo kik gidwany kambeu, kuonde ma adake kodu.”

Tich Joote 7:39

“To kwerewa nodagi winje. Ne gikwede, mi gigombo dok Misri.

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!