Kwan 15:3 - MUMA MALER 2015

³ to unutim ni Ruoth Nyasaye misengni miwang’o. Ginyalo bedo misengni miwang’o pep, kata misengni michopogo kuong’ruok, kata ma ng’ato timo kuom herone, kata mitimo e ndalo mag sewni moketi. Ka uwang’o ni Ruoth Nyasaye jambu ka misango ma dum tik mamit kamano,

Motingʼo Loko Manyien

³ kendo uchiwone Jehova Nyasaye misengini miwangʼo pep koa kuom kweth mag dhok kata mag jamni, kaka gima dungʼ tik mangʼwe ngʼar mamoro Jehova Nyasaye bed ni gin misengini miwangʼo pep, chiwo mar hera, chiwo mag kwongʼruok kata mago mag nyasi.

Kwan 15:3 Iomraidhean Croise

Chakruok 8:21

Kane Ruoth Nyasaye owinjo suya mamit, nowacho e chunye niya, “Timbe dhano ok nomi akuong’ piny kendo, nikech aneno ni paro mag dhano richo, chakre nywolne. Bende ok nachak atiek gik mangima kaka asetimoni.”

Ezra 7:17

To bende nyaka iti gi pesago mana kuom ng’iewo ruedhi gi imbe kod rombe gi gik mibiro timogo misango mar cham kod misango miolo piny. Gigo duto nyaka ichiw e kendo-mar-misango man e Od Nyasachu Jerusalem.

Zaburi 54:6

A Ruoth Nyasaye, abiro timoni misango gi mor, kendo abiro goyoni erokamano, nikech iber.

Wuok 29:18

Eka iwang’ imno duto e kendo-mar-misango. Mano en misango miwang’o pep ni Ruoth Nyasaye. En tik mang’ue ng’ar moa kuom misango miwang’o ni Ruoth Nyasaye.

Wuok 29:25

Eka ikawgi e lwet Harun gi yawuote, kendo iwang’gi e kendo-mar-misango, kaachiel gi misango miwang’o pep, mondo gidum tik mang’ue ng’ar moa kuom misango miwang’o ni Ruoth Nyasaye.

Wuok 29:41

To godhiambo ineg nyarombo machielo, kendo ichiwe kaachiel gi misango mar cham kod misango miolo piny, mana kaka nende ichiwo gokinyi, mondo odum tik mamit. En misango miwang’o ni Ruoth Nyasaye.

Tim jo-Lawi 10:13

Mano emomiyo nyaka uchame Kama Ler, nimar en pokni kaachiel gi yawuoti. Pok onogo ogol kuom misengni miwang’o ni Ruoth Nyasaye nikech kamano e kaka nochika.

Tim jo-Lawi 27:2

ni mondo onyis jo-Israel niya, “Ka ng’ato okuong’ore ni obiro chiwo ng’ato ni Ruoth Nyasaye, eka bang’e oyudo ni ok onyal chopo kuong’ruokno, to nengo monego owargo ng’atno e ma:

Tim jo-Lawi 7:16

To ka ng’ato otimo misango mochopogo kuong’ruok, kata ma otimo atima kuom herone, to jodolo nyaka chame chieng’ mochiweno kod kinyne.

Kwan 28:27

Unuchiw nyiruedhi ariyo gi im achiel kod nyiimbe abiriyo ma hikgi achiel achiel mondo otimgo misango miwang’o pep madum mamit ni Ruoth Nyasaye.

Kwan 29:8

Unuchiw nyarwath achiel gi im achiel kod nyiimbe abiriyo ma hikgi achiel achiel mondo otimgo misango miwang’o pep madum tik mamit ni Ruoth Nyasaye. Jamnigo duto nyaka bed maonge songa.

Kwan 6:15

gi odheru moting’o makati ma ok ketie thowi, moted gi mo, kod chapati ma bende ok ketie thowi, mowir gi mo kaachiel gi misengni mag cham kod misengni miolo piny, kaka chik dwaro.

Mathayo 3:17

Eka duol nowuoyo gie polo niya, “Ma e Wuoda ma ahero. Chunya mor kode.”

2 Jo-Korintho 2:15

Wachalo gi ubani mang’ue ng’ar mar misango ma Kristo ochiwo ni Nyasaye, malandore e kind joma ireso kod joma lal.

2 Jo-Korintho 2:16

Kuom joma lal en tik mar tho makelo tho, to kuom joma ireso to en tik mar ngima. Koro ere ng’ama nyalo gik ma kamago?

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

Rapar mar Chik 12:11

Bang’e ukel gigo duto ma achikou kama Ruoth Nyasaye ma Nyasachu biro yiero mondo nyinge obedie. Kanyo ema unukelie misengni mau miwang’o pep, kod misengni mamoko gi chiwo mar achiel kuom apar, kod chiwo mamoko, kaachiel gi chiwo moyiedhi mukuong’oru ni ubiro kelo ni Ruoth Nyasaye.

Rapar mar Chik 12:17

To e miechu kik uchamie chiwo mar achiel kuom apar mag chambu kata mag divai kata mag mo, kendo kik uchamie nyithindo makayo mag jambu, kata chiwo mukwong’oru ni ubiro chiwo, kata mugolo kuom herou, kata mana chiwo moro amora mowal ni Ruoth Nyasaye.

Rapar mar Chik 12:6

Kanyo ema ubiro keloe misengni mau miwang’o pep, kod misengni mamoko, gi chiwo mar achiel kuom apar, kod chiwo mamoko kod gik ma ukuong’oru ni ubiro chiwo, kod mago muchiwo kuom herou, kaachiel gi nyithindo makayo mag jambu.

Jo-Filipi 4:18

Koro andikonu risit! Eri, an gi gik moko duto ma adwaro, kendo mokadho kanyo, ka koro Epafrodito osekelona chiwo mane uorona. Chiwouno en misango madum tik mang’ue mamit, ma Nyasaye oyiego, kendo long’one.