Kwan 12:2 - MUMA MALER 2015

² Ne giwacho niya, “Musa kende ema Ruoth Nyasaye osewuoyogo koso? Wan donge osewuoyo kodwa?”

Motingʼo Loko Manyien

² Negipenjore niya, “Bende Jehova Nyasaye osewuoyo kokalo kuom Musa kende? Donge osewuoyo kokalo kuomwa bende?” Kendo Jehova Nyasaye nowinjo ma.

Kwan 12:2 Iomraidhean Croise

Chakruok 29:33

Nochako omako ich monywolo wuowi moro. Nowacho niya, “Ruoth Nyasaye osemiya wuowi machielo, nimar nowinjo ka chwora ok ohera.” Kuom mano nochake ni Simeon, (tiende ni, winjo.)

2 Samuel 11:27

To kane ndalo ywakne orumo, Daudi nooro joote moome, kendo nobedo chiege, monywolone wuowi. To gima ne Daudi otimono ne ok long’o ni Ruoth Nyasaye.

2 Ruodhi 19:4

Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Wuok 4:14

Ruoth Nyasaye nokecho gi Musa, mowachone niya, “Harun owadu ma ja-Lawi donge nitie? En to ang’eyo ni onyalo wuoyo maber. Ero en e yo, obiro iri, kendo obiro bedo mamor ahinya koneni.

Wuok 4:30

Harun nonyisogi weche duto mane Ruoth Nyasaye owacho ni Musa, kendo notimo honnigo duto e nyimgi,

Wuok 5:1

Bang’e, Musa kod Harun nodhi ir Farao, mowachone niya, “Ruoth Nyasaye ma Nyasach jo-Israel owacho kama: ‘We joga odhi, mondo otimna sawo e thim.’ ”

Wuok 7:10

Kane Musa kod Harun jobiro ir Farao, ne gitimo kaka Ruoth Nyasaye nochikogi, Harun nobolo ludhe piny e nyim Farao gi joge, mi ludhno nolokore thuol.

Ngeche 13:10

Sunga ok kel gimoro, to okelo mana miero, omiyo ber mondo ng’ato odwar rieko kuom ji.

Isaya 37:4

Nyalo bet ni Ruoth Nyasaye ma Nyasachi osewinjo weche Rabshake, ma ruodh Asuria oseoro, mondo oyany Nyasaye Mangima. Omiyo koro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Mika 6:4

Nene agolou e piny Misri, kendo aresou e tich bedo wasumbni, Ne aoro Musa gi Arun kod Miriam mondo otelnu.

Kwan 11:1

E kinde moro jo-Israel noywak ni Ruoth Nyasaye kuom thagruokgi. Ruoth Nyasaye ne okecho kowinjo wechegigo, mi mach moa kuome nomuoch kuomgi, kendo oketho bath kambi konchiel.

Kwan 11:29

Mad jo-Ruoth Nyasaye duto dok jonabi, kendo Ruoth Nyasaye migi teko mar Roho!”

Kwan 12:3

(To ka iwacho adier, Musa ne en ng’at mamuol ahinya moloyo ji duto manie piny.) Ruoth Nyasaye nowinjo kaka jogo kuodhe,

Kwan 16:3

Ne giriwore giduto ni Musa gi Harun, mi giwachonigi niya, “Marang’o uhedhoru moloyo, to ng’ato ka ng’ato kuom oganda jo-Israel owal ni Ruoth Nyasaye, kendo Ruoth Nyasaye ni kodgi giduto. Ere gima omiyo ukaworu moloyo jo Ruoth Nyasaye duto?”

Jo-Rumi 12:10

Herreuru kaka owete onego herre, ka ng’ato ka ng’ato miyo owadgi duong’ moloyo en owuon.

Jo-Rumi 12:3

Kaka Nyasaye osemiya mich kuom ng’wonone, anyisou ni ng’ato ka ng’ato kuomu kik ketre e duong’ moongego, to mondo opar maber maromre gi yie ma Nyasaye osepogone.

Jo-Filipi 2:14

Gimoro amora mutimo to timuru ka ok ung’ur, kata ka ok ugoyoe mbaka.

Jo-Filipi 2:3

Kik ubed gi piem kata sunga, to beduru mobolore, ka ukwanoru ka joma tindoe moloyo jomoko,

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”