Kwan 10:10 - MUMA MALER 2015

¹⁰ E kinde ma utimoe nyasi, gi ndalo moketi mutimoe sewni, kod chieng’ mokwongo mar due ka due, unugo tung’ kutimo misengni miwang’o pep, kod misengni mag sawo, mi tungego nomi Ruoth Nyasaye ma Nyasachu paru. An e Ruoth Nyasaye ma Nyasachu.”

Motingʼo Loko Manyien

¹⁰ Bende e kinde ma un gi mor, ma gin kinde sewni moyier kaka nyasi mar Dwe Manyien, nyaka ugo turumbete e kinde muchiwoe misengini miwangʼo pep kod misengini mag lalruok, nikech ginibednu rapar e nyim Nyasachu nimar An e Jehova Nyasaye ma Nyasachu.”

Kwan 10:10 Iomraidhean Croise

2 Ruodhi 4:23

Chwore nopenje niya, “Ang’o momiyo idwaro dhi ire kawuono? Due pok opor, bende ok en chieng’ Sabato.” Nodwoke ni, “Adhi adhiya.”

1 Weche mag Ndalo 15:24

Shebania gi Jehoshafat gi Nethaneel gi Amasai gi Zekaria gi Benaya kod Eliezer ma jodolo ne goyo tung’ e nyim Sanduk mar Nyasaye. Obed-edom gi Jehia bende ne jorit dhout Sanduk.

1 Weche mag Ndalo 15:28

Kamano jo-Israel nokelo Sandug Muma mar Ruoth Nyasaye ka gigoyo sigalagala gi tung’ gi oporo gi ongeng’o gi nyigwerni kod thumbe.

1 Weche mag Ndalo 16:42

Heman gi Jeduthun ne nigi tung’ gi ongeng’o kod kit thumbe moko mipakogo Nyasaye. To yawuot Jeduthun noket jorit dhoudi.

2 Weche mag Ndalo 29:26

Kane jo-Lawi oseikore gi thumbe mane Daudi oloso, kendo jodolo bende oikore gi tungegi,

2 Weche mag Ndalo 29:28

Joma nochokore duto nolamo Nyasaye, ka jower wer, kendo jogo tung’ goyo tungegi. Mano nodhi nyime nyaka misango miwang’o pep norumo.

2 Weche mag Ndalo 7:6

Jodolo nochung’ kargi, kendo jo-Lawi nopako Ruoth Nyasaye gi wende mane Daudi ochuogo ka giwer niya, “Herane mosiko ochwere.” Ne gigoyo thumbe mane Daudi oloso mondo odendgo Ruoth Nyasaye. Jodolo bende nogoyo tung’ ka ochung’ momanyore gi jo-Lawi.

Ezra 3:10

Kane jogendo oseketo mise mar Hekalu mar Ruoth Nyasaye, jodolo morwako lep dolo, nochung’ keregi ka goyo tung’, kendo jo-Lawi ma nyikwa Asaf bende nogoyo ongeng’o ka pako Ruoth Nyasaye kaka Daudi ruodh Israel nochiko.

Nehemia 12:35

Jodolo moko bende nodhi kodgi, ka goyo tung’. Ne gin Zekaria wuod Jonathan ma wuod Shemaya ma wuod Matanaya ma wuod Mikaya ma wuod Zakur ma wuod Asaf,

Zaburi 150:3

Pakeuru gi tung’, kugoyone thumbe mamit.

Zaburi 81:3

Gouru tung’ ka due opor, kendo ka due otegno, kunyisogo ni gin ndalo mag nyasi.

Zaburi 81:4

Mano e chik Israel mane Nyasach Jakobo ogolo.

Zaburi 89:15

Joma lami gi wer, kendo modak e ler mar ng’wononi, gin johawi.

Wuok 28:29

Kamano ka Harun donjo Kama Ler, nobed koting’o nying yawuot Israel e law agoko mar ng’ado bura e kore ka rapar e nyim Ruoth Nyasaye kinde duto.

Wuok 30:16

Pesa ma jo-Israel chiwo kar ngimagi nyaka itigo e Hemb Romo. Pesa muchiwo kar ngimaugo nomi Ruoth Nyasaye paro jo-Israel.”

Isaya 27:13

Chieng’no tung’ maduong’ noywagi, mi joma olal e piny Asuria nobi, kaachiel gi joma noter Misri e tuech, mi ginilam Ruoth Nyasaye e got maler man Jerusalem.

Tim jo-Lawi 23:24

mondo onyis jo-Israel niya, “Due achiel mar due mar abiriyo nobednu chieng’ yueyo ma unugoe milome gi tung’ mondo obed chokruok maler.

Kwan 10:9

“Ka ukedo gi wasigu momonjou e pinyu, kendo dwaro loyou, to unugo tunge moriwore gi sigiya, mi Ruoth Nyasaye ma Nyasachu noparu, kendo noresu kuomgi.

Kwan 28:11

“To chieng’ due achiel mar due ka due nyaka uchiw nyiruedhi ariyo gi im achiel kod nyiimbe abiriyo ma hikgi achiel achiel mondo otimgo misango miwang’o pep. Jamnigo duto nyaka bed maonge songa.

Kwan 29:1

“Due achiel due mar abiriyo, nyaka ubed gi chokruok mar lemo, kendo ok unuti tijeu mapile. Mano en chieng’ mor mugoyoe tung.’

Mathayo 11:28

“Biuru ira, un duto mujony kendo mugangoru mapek, mondo amiu yueyo.

Tich Joote 10:4

Ne orango malaika mi openje koluor ni, “En ang’o, Ruoth?” Malaika nodwoke ni, “Lemoni gi timbeni mag ng’wono osechopo malo e nyim Nyasaye, kendo Nyasaye osepari.

1 Jo-Korintho 15:52

ahucha ka diemo wang’, ka tung’ mogik oywak, nimar ka oywak to joma otho nochier gi ringruok ma ok tow, kendo wan bende nolokwa,

1 Jo-Thesalonika 4:16

Chieng’no dwol moro nogol chik, kendo dwond malaika maduong’ nowinji, kendo tung’ mar Nyasaye noywagi, kendo Ruoth owuon nolor koa e polo. Eka joma notho koyie kuom Kristo nochier mokwongo.

1 Jo-Thesalonika 4:18

Emomiyo horeuru gi wechegi.

Joshua 4:7

to ununyisgi kaka pi aora Jordan noduono kane Sandug Muma mar Ruoth Nyasaye kadho. Kamano kitego nobed rapar ni jo-Israel ndalo duto.”

Joshua 6:4

Jodolo abiriyo nyaka dhi e nyim Sandug Muma, koting’ tunge abiriyo molos gi tunge imbe. To chieng’ mar abiriyo nyaka ilwor dala gi jogi mag lweny nyadibiriyo, ka jodolo goyo tungegi.

Fweny 22:17

Roho gi Miaha wacho ni, “Bi!” Ng’ama owinjo, bende mondo owach ni, “Bi!” To ng’ama riyo oloyo, mondo obi oyud pi mar ngima nono, mak ochulo gimoro.

1 Samuel 20:5

Daudi nodwoke niya, “Kiny due nopor, kendo owinjore abed gi ruoth e chiemo. To we adhi apond e lek nyaka chop odhiambo mar chieng’ mar adek.