Kwan 1:54 - MUMA MALER 2015

⁵⁴ Jo-Israel notimo mana kaka ne Ruoth Nyasaye ochiko Musa.

Motingʼo Loko Manyien

⁵⁴ Jo-Israel notimo gigi duto mana kaka Jehova Nyasaye nochiko Musa.

Kwan 1:54 Iomraidhean Croise

Wuok 12:28

Ne gidhi, mi girito wechego, kendo gitimo gima Ruoth Nyasaye nochiko Musa gi Harun.

Wuok 39:32

Tije duto mag Hema Maler, ma en Hemb Romo ma Nyasaye romoe gi joge norumo. Jo-Israel notimo gik moko duto mana kaka Ruoth Nyasaye nochiko Musa.

Wuok 39:43

Musa norango gik moko duto mane giseloso, moneno ni giselosogi mana kaka Ruoth Nyasaye nosechiko, omiyo noguedhogi.

Wuok 40:16

Musa notimo gik moko duto mana kaka Ruoth Nyasaye nochike.

Wuok 40:32

ka gidonjo e Hemb Romo kata ka gidhi e kendo-mar-misango mana kaka Nyasaye nochiko Musa.

Kwan 1:19

Kamano e kaka Musa nokwano jo-Israel e thim Sinai.

Kwan 1:53

To jo-Lawi nogur hembegi e alwora mar Hema Maler mar Rapar, mondo mirimba kik bi kuom oganda duto mag Israel. Kamano jo-Lawi ema nobed karito Hema Maler mar Rapar.”

Kwan 2:1

Ruoth Nyasaye nowacho ni Musa gi Harun kama:

Kwan 2:34

Jo-Israel notimo mana kaka Ruoth Nyasaye nochiko Musa. Ne gibworo e bwo bandechegi, kendo ne giwuotho e bwo bandechegigo, ka ng’ato ka ng’ato nigi joodgi e dhoodgi mana kaka nonyisgi.

Kwan 36:10

Kuom mano, Mala gi Tirza gi Hogla gi Milka kod Noa, ma nyi Zelofehad, notimo kaka Ruoth Nyasaye nochiko Musa, mi gitedo mana ni yawuot omine wuon-gi.

Kwan 8:20

Musa gi Harun kaachiel gi jo-Israel duto nochopo chike duto mane Nyasaye omiyo Musa kuom tich walo jo-Lawi.

Kwan 9:22

Kata bed ni ne obet ewi Hema Maler kuom ndalo achiel kata ndalo ariyo, kata kuom due kata higa, kata bed ni obudho marom nadi, to jo-Israel ne bet mana e kambi to ne gichako wuoth mana ka oa ewi Hema Maler.

Kwan 9:5

kendo ne gitime godhiamb chieng’ due apar gang’wen mar due mokwongo, e thim Sinai, ka giluwo chike mane Ruoth Nyasaye omiyo Musa.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Rapar mar Chik 12:32

“Neuru ni urito gik moko duto machikou. Kik umedie gimoro, kata kik ugolie gimoro.

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.