Kwan 1:3 - MUMA MALER 2015

³ kendo indik nying ng’ato ka ng’ato ma dichwo ma hike oseromo piero ariyo kata mokadho kanyo, moromo dhi e lweny. Un gi Harun nyaka undik nyinggi malong’o kuchanogi e ogendini mag lweny.

Motingʼo Loko Manyien

³ In kod Harun mondo ukwan jo-Israel kuketogi e migepegi, ma mago jo-higni piero ariyo kadhi nyime nyalo tiyo e lweny.

Kwan 1:3 Iomraidhean Croise

2 Samuel 24:9

Joab nonyiso ruoth kar romb ji kama: E piny Israel ne nitie ji alufu mia aboro ma nyalo kedo, to jo-Juda ne gin alufu mia abich.

1 Weche mag Ndalo 5:18

Jo-Reuben gi jo-Gad kod jo-Manase konchiel ne nigi jolweny molony alufu piero ang’wen gauchiel gi mia abiriyo kod piero auchiel. Ne giikore gi kuodi gi tong’ kod asere.

2 Weche mag Ndalo 25:5

Eka Amazia nochoko jo-Juda gi jo-Benjamin duto moketonigi jotelo madongo gi matindo kaluwore gi dhoutgi. Nokwano joma osetieko higni piero ariyo kod mosekadho kanyo, monwang’o ni gin joma ochwiny alufu mia adek moromo kedo, kendo mong’eyo diro tong’ kod ting’o okumba.

Wuok 12:17

Nyaka utim sawo mar makati ma ok ketie thowi, nikech chieng’no ema nagolie ogendu e piny Misri. Tiengeu duto nyaka rit odiechieng’no mondo obed chieng’ sawo mochwere.

Wuok 30:14

Nga’to ka ng’ato mokwan ma hike oromo piero ariyo kata mokadho kanyo nyaka chul Ruoth Nyasaye chiwono.

Wuok 38:26

Fedhago ema ne ochok ka ne ng’ato ka ng’ato mokwan ogolo nus-shekel, nimar kar romb joma ne okwan ma hikgi oromo piero ariyo kata mokadho kanyo ne alufu mia auchiel gadek, kod mia abich gi piero abich (603,550). Nus shekelno nopim gi rapim mitiyogo tich Nyasaye.

Kwan 14:29

Ng’ato ka ng’ato ma nyinge nondiki e kweno cha, chakre jahigni piero ariyo kadhi nyime, chokene biro dong’ e thimni, nikech useng’urna.

Kwan 26:2

“Kwanuru oganda jo-Israel e dhoutgi, kundiko joma hikgi oromo piero ariyo kata mokadho kanyo, kendo moromo dhi e lweny,”

Kwan 3:15

“Ndik nying jo-Lawi machwo duto chakre ja-due achiel kadhi nyime, kichanogi e dhoutgi kaluwore gi kweregi.”

Kwan 32:11

‘Jo-Israel osedagi luwa gi chunygi duto, omiyo onge kata ng’ato achiel ma jahigni piero ariyo kata mokadho kanyo mane owuok Misri, ma none piny mane asingora ni Ibrahim gi Isaka kod Jakobo.

Kwan 33:1

Kane Musa gi Harun otelo ni jo-Israel e dhoutgi ka giwuok e piny Misri,

Kwan 4:3

kundiko nying joma hikgi nie kind piero adek gi piero abich, monego ti tich lemo e Hemb Romo.

Rapar mar Chik 24:5

“Ka ng’ato okendo, to kik tere e lweny kata e tich moro amora, to onego obed dala kuom higa achiel komiyo chiege mor.

Rapar mar Chik 3:18

“E kinde nogono nachiko dhoudi ariyo gi nusgo kama: ‘Ruoth Nyasaye ma Nyasachu osemiyou pinyni mondo obed mwanduu, to jolwenju duto nyaka dong’ e oganda lweny, kendo otel e nyim jo-Israel weteu.