Jo-Filipi 4:5 - MUMA MALER 2015

⁵ Muolo maru mondo onenre ni ji duto. Ruoth chiegni,

Motingʼo Loko Manyien

⁵ Muolo maru mondo onenre ni ji duto nikech Ruoth chiegni duogo.

Jo-Filipi 4:5 Iomraidhean Croise

Mathayo 6:25

“Mano emomiyo awachonu ni kik uparru kuom gima ducham kata ma dumadhi mondo ubed mangima, kata kuom lewni ma durwaki mondo uumgo dendu. Donge ngima duong’ moloyo chiemo? Koso ringruok donge oloyo law?

Mathayo 6:34

Kuom mano, kik uparru kuom gik ma kiny notimre kiny, nikech kiny nobed gi mage owuon. Odiechieng’ kodiechieng’ nigi chandruokne morome.

Luka 21:34

“Ritreuru mondo kik utim anjawo, kata kik ubed jomer kata joma parore kuom gik manie pinyni, nono to chieng’no biro poyou mana ka obadho,

1 Jo-Korintho 16:22

Ka ng’ato ok ohero Ruoth, to mondo okuong’re! Ruodhwa bi!

1 Jo-Korintho 6:7

Buche ma un-go e kindu nyiso ni userem! Marang’o ok uyie mondo otimnu marach? Koso marang’o ok uyie mondo omau amaya?

1 Jo-Korintho 8:13

Omiyo ka wach chiemo ema miyo owadwa donjo e richo, to kara ok nachak acham ring’o mondo kik ami owadwa lal.

1 Jo-Korintho 9:25

Bende ji duto madwaro piem e tugo, ritore kuom chike duto. Gin gitimo kamano mondo giyud osimbo makethore. Wan to waritore mondo wayud osimbo ma ok kethre.

2 Jo-Korintho 10:1

An Paulo koro akwayou kuom muolo kod ng’wono mar Kristo mondo uwinja. An ma uwacho ni amuol ka an kodu, to ager ka an mabor kodu,

2 Jo-Thesalonika 2:2

Wakwayou mondo kik uparru, kata kik chunyu chandre, kugalo ni Chieng’ Ruoth osechopo.

Tito 3:2

Nyisgi ni kik giwuo marach kuom ng’ato, kata kik gibed joma ohero dhaw, to gibed joma dwaro kelo winjruok, ka ginyiso ji duto muolo ma gin go.

Jo-Hibrania 10:25

Kik wawe mak wachokore kaachiel, kaka jomoko oseweyo timo, to nyaka wajiwreuru ng’ato gi ng’ato, to moloyo onego utim kamano kuneno ka Chieng’ Ruoth sudo machiegni.

Jo-Hibrania 10:37

Kaka Muma wacho niya, “Pod odong’ mana kinde matin kende, eka jal monego bi nobi. Ok nodeki!

1 Petro 1:11

Roho mar Kristo mane ni kuomgi nonyisogi chon masiche mane Kristo biro yudo, kod duong’ mane biro luwo masichego, omiyo ne gitemo manyo kinde mane gigo biro timore, kendo kaka gibiro timore.

1 Petro 4:7

Giko mar gik moko duto chiegni. Emomiyo, beduru mariek, kuritoru mondo uikru ni lemo.

Fweny 22:20

Jal manyiso wechegi duto wacho niya, “Adier, abiro piyo!” Obed kamano! Bi, Ruoth Yesu!

Fweny 22:7

Yesu owacho ni, “Winji! Abiro piyo” Ng’at momako weche mokor manie kitabuni en jahawi!