Jo-Filipi 4:12 - MUMA MALER 2015

¹² Aseng’eyo dak kachando gimoro, kata ka an gi gik mathoth. Asepuonjora wach moro mopondo, omiyo kamoro amora ma antie, e kinde moro amora, to anyalo bedo modhil, kata ka ayieng’, kata ka adenyo, kata ka an gi gik mathoth, kata ka an gi manok.

Motingʼo Loko Manyien

¹² Asengʼeyo dak ka achando gimoro kendo ka an-gi gik mathoth. Asepuonjora malingʼ-lingʼ mar dak ka aromo, omiyo anyalo bedo modhil kata ka ayiengʼ kata ka adenyo, kata ka an gi gik mathoth kata ka an gi gik manok.

Jo-Filipi 4:12 Iomraidhean Croise

Nehemia 9:20

Nimiyogi Roho mari maber mondo opuonjgi. Ne ok ituonogi manna ma nioro, kendo nisiko kimiyogi pi mondo gineggo riyo.

Isaya 8:11

Weche mane Ruoth Nyasaye owuoyogo koda gi tekone maduong’, kosiema ni kik aluw timbe jo-Israelgi e magi:

Jeremia 31:19

Kata obedo ni ne wabaro mi waweyi, to piyopiyo nono ne wadwaro duogo. Kane isekumowa, to ne wakulo wiwa kwakuyo. Wiwa ne okuot ka chunywa lit, nikech richo mane watimo kapod wayom.’

Mathayo 11:29

Rwakuru lodi ma amiyou e ng’utu, kendo puonjreuru kuoma, nikech chunya muol kendo dembore.

Mathayo 13:52

Eka nomedo wachonigi niya, “Ka kamano, to japuonj Chik mapuonjore wach Loch Polo chalo gi wuon dala magolo mwandun manyien gi machon kar kenone.”

2 Jo-Korintho 10:1

An Paulo koro akwayou kuom muolo kod ng’wono mar Kristo mondo uwinja. An ma uwacho ni amuol ka an kodu, to ager ka an mabor kodu,

2 Jo-Korintho 10:10

Ng’ato nyalo wacho niya, “Paulo ndiko barupe mager, kendo ma oting’o weche mapek, to en owuon ka en kodwa to oyomyom, kendo ok ong’eyo wuoyo.”

2 Jo-Korintho 11:27

Ne atiyo matek, kendo ne achandora ma ok anyal nindo kuom kinde moko, bende kech ne okaya, kendo riyo ne oloya. Kuom ndalo mang’eny ne ok ayud chiemo, kendo koyo ne chama ka achando lewni ma arwaki.

2 Jo-Korintho 11:7

Kane alandonu Wach Maber mar Nyasaye, ne ok akwayo chudo moro, to adok piny mondo ating’u malo. Koro kane atimo kamano to ne atimonu marach koso?

2 Jo-Korintho 11:9

Bende kane achando gimoro ka an kodu, to ne ok akwayo ng’ato kuomu mondo okonya, to owete mane oa Makedonia nokelona gik moko duto mane achando. Ne aritora mondo kik achandu, kendo pod abiro ritora mana kamano.

Rapar mar Chik 32:10

Noyudo ogandano e thim malich ma ondiegi rutoe, mi nolworogi koni gi koni, moritogi maber.