Jo-Filipi 3:5 - MUMA MALER 2015

⁵ Notera nyangu chieng’ mar aboro bang’ nywolna, kaka Chik Musa dwaro, kendo an ja-Israel ma jadhood Benjamin, bende an ja-Hibrania ma wuod jo-Hibrania. Kuom wach rito Chik Musa to ne an ja-Farisai,

Motingʼo Loko Manyien

⁵ Notera nyangu chiengʼ mar aboro bangʼ nywolna kendo an ja-Israel gitiende monywol e dhood Benjamin, bende an ja-Hibrania ma wuod jo-Hibrania. Korka luwo Chik jo-Yahudi to ne an ja-Farisai,

Jo-Filipi 3:5 Iomraidhean Croise

Chakruok 14:13

To ng’at moro mane otony e lwenyno nobiro ir Abram ja-Hibrania monyise gima osetimore. E ndalogo, Abram nodak but yiend Mamre ja Amor. Mamreno ne omin Eshkol kod Aner mane osiepe Abram.

Chakruok 40:15

Ne omaka gi thuon e piny jo-Hibrania, to bende onge gima rach ma asetimo ka, mowinjore gitueyane.”

Chakruok 41:12

To ja-Hibrania moro ma wuowi mane misumba jaduong’ askeche ne ni kodwa kanyo, mi ne wanyise lekwa. Nolokonwagi konyisowa tiend moro kamoro,

Jona 1:9

Nodwokogi niya, “An ja-Hibrania, kendo alamo Ruoth Nyasaye ma Nyasach polo mane ochueyo nam gi piny.”

Luka 1:59

Eka chieng’ mar aboro, ne gibiro mondo giter nyathi nyangu, kendo ne gidwaro chake ni Zakaria, nying wuon mare.

Luka 2:21

Bang’ ndalo aboro, kinde nochopo mondo oter nyathi nyangu, mi nochake ni Yesu, nying mane malaika osechake kapok omak ichne.

Luka 5:38

Kuom mano divai manyien nyaka ol mana e ndede manyien.

Tich Joote 22:3

“An ja-Yahudi, monywol Tarso e piny Kilikia, to Jerusalem kaeri ema adongoe, ka an japuonjre Gamaliel. Ne apuonjora maber kaka onego arit Chik kwerewa e yo makare, kendo ne achiwora ni tich Nyasaye mana kaka un duto uchiworu kawuononi.

Tich Joote 23:6

To kane Paulo oneno ni jomoko kuom joburano gin jo-Farisai, to moko jo-Sadukai, nokok niya, “Owetena, an ja-Farisai, wuod ja-Farisai. Koro odonjna kaeri nikech ayie ni joma otho nochier!”

Tich Joote 6:1

E ndalogo, kane jopuonjre koro medore mang’eny, jo-Yahudi mong’eyo dho Grik nochako ng’ur gi jowetegi mong’eyo mana dho Hibrania kende, nikech mondgi ma chwogi otho ne ojwang’, mi ok yud pok mapile.

Jo-Rumi 11:1

To bende apenjo niya, “Nyasaye osewito joge koso?” Ooyo! Ok nyal bet kamano, nikech an awuon an ja-Israel ma nyakwar Ibrahim, kendo ma jadhood Benjamin.

2 Jo-Korintho 11:22

Gipakore ni gin jo-Hibrania koso? To donge an ja-Hibrania mana kaka gin? Bende gipakore ni gin jo-Israel, to an ok an ja-Israel koso? Kendo giwacho ni gin nyikwa Ibrahim, to an bende ok an nyakwar Ibrahim?

1 Samuel 4:6

Kane jo-Filistia owinjo kokono, ne gipenjore niya, “Mano koko manade matimore e kambi jo-Hibraniano?” To kane giwinjo ni Sanduk mar Ruoth Nyasaye osechopo e kambi,