Jo-Filipi 1:9 - MUMA MALER 2015

⁹ Alemo ni mondo herau omedre mathoth ahinya kuom rieko gi ng’eyo duto,

Motingʼo Loko Manyien

⁹ Kendo ma e lamona mondo herau omedre mathoth ahinya kuom rieko kod ngʼeyo,

Jo-Filipi 1:9 Iomraidhean Croise

Ayub 17:9

Bende ji maparo ni gin joma ogen medo neno ni adier gin ema gin kare.

Zaburi 119:66

Miya rieko mar ng’ado weche kare. Ng’eyo bende mondo imiya, nikech ageno mana kuom chikeni.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

1 Jo-Korintho 14:20

Owetena, kik ubed gi paro machalo paro nyithindo. Beduru ka nyithindo e weche mag richo, to nyaka ubed joma dongo gi parou.

2 Jo-Korintho 8:7

Ugundho gi gik moko duto, kaka yie, gi wach, gi rieko, gi kinda duto, kod hera ma uherowago. Kamano bende e kaka mondo ugol chiwo mogundho e tich ng’wonono.

Jo-Efeso 5:17

Kuom mano, kik ubed joma ofuwo, to temuru ng’eyo gima Ruoth dwaro.

Jo-Kolosai 1:9

Mano emomiyo, chakre chieng’ mane onyisowae kamano, pok waweyo mak walemonu, kwakwayo ni mondo ung’e dwaro mar Nyasaye chutho, ka un gi rieko kod ng’eyo duto ma Roho chiwo.

Jo-Kolosai 3:10

mi urwako dhano manyien mamedo doko manyien pile, mondo obed machal gi kit jachwechne, mi omi ung’e Nyasaye chuth.

1 Jo-Thesalonika 3:12

To un, Ruoth mondo omi uherru, kendo uher ji duto gi hera mogundho mana kaka wan bende waherou.

1 Jo-Thesalonika 4:1

To koro mogik, owetewa, wan kod gimoro achiel monego wakwau kaka jo-Kristo wetewa. Wakwayou ni mondo ngimau obed moluwore gi puonj mane wamiyou. Ne wanyisou kaka onego uwuothi mondo ubed malong’o ni Nyasaye, kendo adier mano e kaka uwuotho, to kata kamano wajiwou mondo umed timo kamano moloyo.

2 Jo-Thesalonika 1:3

Owetewa, nyaka wago erokamano ni Nyasaye nikech un. Owinjore mondo watim kamano nimar yie ma un-go medore ahinya, kendo hera ma ng’ato ka ng’ato kuomu oherogo wadgi bende medore moloyo.

Filemon 1:6

Akwayo Nyasaye ni, kaka ilando ni jomoko yie ma in-go, waduto wamed ng’eyo malong’o gueth mogundho ma wan-go nikech wayie kuom Kristo.

Jo-Hibrania 5:14

Joma dongo to chamo chiemo motegno, nikech gisepuonjore, mi ging’eyo pogo gik mabeyo gi gik maricho.

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

2 Petro 3:18

To donguru kuom ng’wono, kumedo ng’eyo Ruodhwa kendo Jawarwa Yesu Kristo. Duong’ obedne kawuono kendo nyaka chieng’. Amin.