Jo-Filipi 1:7 - MUMA MALER 2015

⁷ En kare mondo apar kamano kuomu uduto, nikech aherou ahinya, kendo nikech uduto uriworu koda e ng’wono ma Nyasaye osemiya mar bedo e tuech, kendo mar temo siro adiera mar Injili kendo jiwo.

Motingʼo Loko Manyien

⁷ En gima kare mondo apar kamano kuomu uduto nikech agenou e chunya; kata ka an e twech kata ka asiro adiera mar Injili kendo ajiwe to un uduto usebedo koda e achiel kuom ngʼwono mar Nyasaye.

Jo-Filipi 1:7 Iomraidhean Croise

Tich Joote 20:23

Mak mana ni Roho Maler osenyisa e dala ka dala ma asedhiye ni tuech gi sand ema orita.

Tich Joote 21:33

Jaduongno nodhi ir Paulo, mi omake, kendo ogolo chik mondo otweye gi nyoroche ariyo. Eka ne openjo ji ni, “En ng’a? To ang’o ma osetimo?”

1 Jo-Korintho 13:7

Hera odhil e weche duto, kendo kata ang’o ema otimore, to pod en gi yie, gi geno, kod kinda.

1 Jo-Korintho 9:23

Mago atimo nikech Injili, mondo ayud pok miyudo kuom Injili.

2 Jo-Korintho 3:2

Un e barupwa mondiki e chunywa ma ng’ato ka ng’ato nyalo neno, kendo somo.

2 Jo-Korintho 7:3

Ok awach kamano mondo ang’adnugo bura, nikech asewacho ni waketou e chunywa maiye, kendo wariwore kodu kaachiel pile, bed ni wangima kata watho.

Jo-Galatia 5:6

nimar ka wan kuom Kristo Yesu, to bedo moter nyangu, kata bedo ma ok oter nyangu, ok kony gimoro, to gimoro achiel kende madwarore en mana yie matiyo kuom hera.

Jo-Efeso 3:1

Mano emomiyo an Paulo, ng’at motue mar Kristo Yesu nikech un joma ok jo-Yahudi, agoyo chonga piny mondo alem.

Jo-Efeso 4:1

Emomiyo, an ng’at motue nikech Ruoth, akwayou ni mondo uwuoth mowinjore gi luong mane Nyasaye oluongougo.

Jo-Efeso 6:20

ma an jaotene, kata an ng’at ma otue kamano. Adier, lemnauru mondo awuo kuome gi chir kaka owinjore awuo.

Jo-Filipi 1:12

Owetena, adwaro mondo ung’e ni gik ma osetimorena osemiyo Injili omedo landore

Jo-Filipi 1:13

nimar askeche ruoth duto, kod jomoko man kaeri, ong’eyo ratiro ni an e tuech nikech an jatich Kristo.

Jo-Filipi 1:14

Bende bedona e tuech kamano osemiyo owete mang’eny omedo bedo gi yie motegno kuom Ruoth, omiyo koro gilando wach gi chir, maonge luoro.

Jo-Filipi 1:5

nikech kony ma usekonyago e tich lando Injili, chakre chieng’ mokwongo nyaka chil kawuono.

Jo-Filipi 2:22

To uduto ung’eyo ber mar Timotheo, kendo kaka osekonya e tich mar lando Injili, mana ka wuowi makonyo wuon.

Jo-Filipi 4:14

To kata kamano, nutimo maber ahinya kane ukonya e chandruokna.

Jo-Filipi 4:15

Un jo-Filipi, ung’eyo maber ni e ndalo mane akwongo landoe Injili, kane aa piny Makedonia, onge kanyakla mar jo-Kristo kata achiel mane okonya gi chiwo mar pesa, mak mana un.

Jo-Filipi 4:3

To in owadwa maradier, bende akwayi mondo ikony mon-go, nikech gisetiyo koda matek kuom lando Injili, ka wan gi Klement kod jotich wetewa mamoko duto, ma nyingi ondiki e kitap ngima.

Jo-Kolosai 4:18

An Paulo andiko mosni gi lweta awuon niya, “Amosou to paruru nyororo motueyago. Ng’wono mar Nyasaye obed kodu.”

Jo-Kolosai 4:3

To wan bende lemnwauru kukwayo Nyasaye mondo oyawnwa dhoot, waland wachne, ma en wach mopondo man kuom Kristo, momiyo anie tuech.

1 Jo-Thesalonika 5:5

nimar un duto un nyithind ler, kendo nyithind odiechieng’. Ok wan mag otieno, kata mag mudho.

2 Timotheo 1:8

Omiyo kik wiyi kuodi kod nyiso ji wach Ruodhwa, kata kik wiyi kuod koda, an ng’ate motue. To kuom teko mar Nyasaye, yie mondo ine masiche kodwa nikech Injili.

2 Timotheo 2:9

Wach Maberno ema omiyo isanda kendo itueya gi nyororo ka ng’at motimo gik maricho. To wach Nyasaye ok nyal tue!

Filemon 1:13

Da ahero mondo obed koda ka okonya kaeri, e kinde ma anie tuech nikech Injili ni.

Jo-Hibrania 3:1

Emomiyo owetena ma Nyasaye osemiyo obedo joge owuon, kendo ma bende oseluongo mondo odhi ire e polo, paruru Yesu, mane ooro mondo obed Jadolo Maduong’ mar yie ma wahulo.

1 Petro 4:13

To beduru mamor, kaka joma oriwore gi Kristo e masichene, mondo ubed gi mor mathoth, chieng, ma duong’ne maler ofwenyore.

1 Petro 5:1

Koro an gi wach moro ma adwaro kwayou, un jodongo. Awuoyo kodu kaka jaduong’ wadu, mane oneno kaka Kristo sandore, kendo mageno yudo pok kuom duong’ mabiro fwenyore.

2 Petro 1:13

Aneno ni en kare mondo, kapod anie kiru mar ringruokni, to aparnu wechegi,

1 Johana 3:14

Wang’eyo ni wasea e tho, mi wadonjo e ngima. Wangeyo kamano nikech wahero owete. Ng’at ma ok ohero wadgi to osiko e tho.