Jo-Filipi 1:10 - MUMA MALER 2015

¹⁰ mondo ubed gi rieko mar yiero mana gima kare kende. Kamano unubed maler kendo maonge bura chieng ma Kristo obiroe,

Motingʼo Loko Manyien

¹⁰ kendo mondo ubed gi rieko mar yiero mana timo gima ber kende. Kamano ngimau nobed maler kendo maonge bura, nyaka chop odiechieng Kristo.

Jo-Filipi 1:10 Iomraidhean Croise

Chakruok 20:5

Donge Ibrahim owuon ema nonyisowa ni Sara en nyamin mare, to Sara bende nosire kowacho ni en owadgi? Omiyo natime ratiro kakia gima rachie.”

Ayub 12:11

Donge it dhano pimo weche mowinjo, mana kaka lep pogo ndhath gik mobilo?

Ayub 34:3

Ka ubilo chiemo mamit, to ung’eyo ni omit, koro ere gima monou ng’eyo weche mariek ka uwinjo?

Mika 3:2

To kata kamaano, umon gi gima ber, kendo uhero mana gima rach! Usando joga malit mana ka ondiek makidho rombo kendo yuyo ring’o oko kuom choke,

Mathayo 16:23

To Yesu nolokore, mowacho ni Petro niya, “Aye nyima Satandni! Idwaro geng’a, nikech paro mari ok mar Nyasaye, to mana mar dhano.”

Mathayo 26:33

To Petro nodwoke niya, “Kata ka ji duto oringo oweyi nikech gima otimoreni, anto ok naweyi ngang’.”

Johana 1:47

Kane Yesu oneno Nathaniel kabiro ire, nowacho ni, “Neuru! Ja-Israel hie e cha biro. En ng’ama kare, ma onge miganga.”

Johana 3:20

Ji duto ma timbegi richo ok dwar ler, kendo ok dwar dhi e ler, nikech ok gidwar mondo timbegi maricho ofwenyre.

Tich Joote 24:16

Kuom mano, an bende aritora mondo abed gi chuny makare e nyim Nyasaye kendo e nyim ji ndalo duto, mana kaka gin.

Jo-Rumi 12:2

Kik uluw timbe mag pinyni, to lokreuru mondo parou odok manyien, eka ubiro ng’eyo gik ma Nyasaye dwaro. Gin gik mabeyo kendo malong’o ma Nyasaye oyiego.

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

Jo-Rumi 16:17

Akwayou owetena ni beduru motang’ gi joma kelo pogruok kendo miyo ji lal, ka gitamore luwo puonj mane uyudo. Ayeuru kuom joma kamago,

Jo-Rumi 2:18

Iwacho ni osepuonji Chik, omiyo ing’eyo gima Nyasaye dwaro mondo itim, kendo inyalo pogo gik makare gi gik maricho.

Jo-Rumi 7:16

To ka atimo gik ma ok adwar timo kamano to mano nyiso ni ayie ni Chik ber.

Jo-Rumi 7:22

E chunya maiye to amor gi Chik Nyasaye,

Jo-Rumi 8:7

Ng’at ma paro mana weche mag dhano mon gi Nyasaye, nikech ok orito Chik Nyasaye. Adier, ok onyal rite.

1 Jo-Korintho 1:8

Bende enomi ubed motegno nyaka giko, mondo kik ubed gi bura chieng’ ma Ruodhwa Yesu Kristo biroe.

1 Jo-Korintho 10:32

Kik ubed joma kelo chwanyruok ni jo-Yahudi, kata ni joma ok jo-Yahudi kata ni kanyakla mar joma oyie kuom Nyasaye,

1 Jo-Korintho 8:13

Omiyo ka wach chiemo ema miyo owadwa donjo e richo, to kara ok nachak acham ring’o mondo kik ami owadwa lal.

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.

2 Jo-Korintho 2:17

Wan ok wachal gi ji mathoth makonyore gi Wach Nyasaye e yo ma ok kare, mondo oyudgo ohala. Ooyo, wan joma Nyasaye oseoro, omiyo wawuoyo e nyim Nyasaye gi adiera ka joma ni kuom Kristo.

2 Jo-Korintho 6:3

Ok wadwar timo gimoro ma dichwany ng’ato, nikech dipo ka tichwa oyudo achaye.

2 Jo-Korintho 8:8

Ok aketnu chik, to anyisou mana hera ma jomoko nono nigo, mondo ane ane ka herau en hera maradier.

Jo-Galatia 5:11

Owetena, ka en adier ni pod apuonjo ni nyaka ter ji nyangu, to ere gima omiyo pod isanda? Ka da bed ni en adier ni pod apuonjo ni nyaka ter ji nyangu, to kara puonj ma apuonjogo wach msalap Yesu da ok ochwanyo ji!

Jo-Efeso 4:15

Ooyo, wanabed joadiera, kwawuotho e hera, mondo wadogi e weche duto kuom Kristo. En e wich,

Jo-Efeso 5:10

Temuru mondo ung’e gik malong’o ni Ruoth.

Jo-Efeso 5:27

mondo ka okawe obedo mare, to obed gi duong’ kendo maler, maonge chilo kata jowruok kata gimoro amora ma kamano.

Jo-Efeso 6:24

Ng’wono obed kod ji duto mohero Ruodhwa Yesu Kristo gi hera ma ok rum.

Jo-Filipi 1:16

Joma chunygi lergo timo kamano nikech gihera kendo ging’eyo ni Nyasaye osemiya tich mar kedo ni Injili.

Jo-Filipi 1:6

Ang’eyo malong’o ni Nyasaye mane ochako tich maber e chunyu biro dhi kode nyime nyaka chope chieng’ ma Yesu Kristo obiroe.

Jo-Filipi 2:16

kunyisogi wach ngima. Ka utimo kamano, to unumi abed mamor chieng’ ma Kristo obiroe, nikech mano nonyis ni ng’uech ma aringoni, kod tich ma atiyo, ok ne akethoe tekra kayiem nono.

1 Jo-Thesalonika 3:13

Ruoth mondo oteg chunyu ubed joma onge bura, ka ubedo maler e nyim Nyasaye Wuonwa, chieng’ ma Ruodhwa Yesu biroe kod joge duto.

1 Jo-Thesalonika 5:21

Temuru gik ma kamago duto, kendo rituru mabeyo kuomgi,

1 Jo-Thesalonika 5:23

Nyasaye owuon ma wuon kue mondo omi ubed maler chutho, kendo orit chunyu gi ngimau kod ringreu, mondo ka Ruodhwa Yesu Kristo obiro, to ubed joma onge bura chuth.

Joshua 24:14

“Kuom mano, lamuru Ruoth Nyasaye, kendo tineuru gi chuny modimbore. Wituru nyiseche mane kwereu lamo kane gidak loka aora Yufrate, kendo e piny Misri, to lamuru mana Ruoth Nyasaye.

1 Johana 4:1

Osiepena, kik uyie ni ji duto mawacho ni nigi Roho, nigi Roho adier, to temgiuru mondo une ane ka Roho ma gin-go oa kuom Nyasaye, nikech johul wach mang’eny mag miriambo osebiro e piny

Fweny 2:2

Ang’eye timbeni gi tichni matek kod kinda misetimo, kendo ang’eyo bende ni in ok inyal yie gi joma richo, bende isetemo joma luongore ni joote, to ok gin joote, mi inwang’o ni gin jomriambo.