Joshua 9:27 - MUMA MALER 2015

²⁷ To chakre kanyono noketogi jobar yien kod joumb pi ni jo-Israel, kendo ni tich kendo-mar-misango mar Ruoth Nyasaye. Pod gitiyo kamano nyaka chil kawuono kamoro amora ma Ruoth Nyasaye oyiero.

Motingʼo Loko Manyien

²⁷ E odiechiengʼno noketo jo-Gibeon obedo jobar yien gi joumb pi ni jo-Israel duto kendo ni tich kendo mar misango mar Jehova Nyasaye kama Jehova Nyasaye biro yiero. Kendo mano e gima gin nyaka chil kawuono.

Joshua 9:27 Iomraidhean Croise

2 Weche mag Ndalo 2:16

Wanatong’ yien Lebanon moromo kaka idwaro, mi watuegi kanyakla kendo wakwang’gi e nam nyaka Jopa, eka iniomgi kuno kiterogi Jerusalem.”

Kwan 31:28

Kuom mago mopogni jolweny, ugolie achiel kuom mia abich abich, bed ni gin ji kata dhok kata kenje kata rombe, mondo obed chiwo momi Ruoth Nyasaye.

Kwan 31:30

To kuom gik mopog ni jo-Israel modong’, ugolie achiel kuom piero abich abich, bed ni gin ji kata dhok kata kenje kata rombe, omi jo-Lawi ma jorit Hema Maler mar Ruoth Nyasaye.”

Kwan 31:47

Kuom gik mane opogni oganda jo-Israelgo, Musa nogolo achiel kuom piero abich abich, bed ni gin ji kata jamni, momiyo jo-Lawi mane jorit Hema Maler mar Ruoth Nyasaye kaka Ruoth Nyasaye nochike.

Rapar mar Chik 12:11

Bang’e ukel gigo duto ma achikou kama Ruoth Nyasaye ma Nyasachu biro yiero mondo nyinge obedie. Kanyo ema unukelie misengni mau miwang’o pep, kod misengni mamoko gi chiwo mar achiel kuom apar, kod chiwo mamoko, kaachiel gi chiwo moyiedhi mukuong’oru ni ubiro kelo ni Ruoth Nyasaye.

Rapar mar Chik 12:14

to chiwgiuru mana kama Ruoth Nyasaye ma Nyasachu biro yiero e piny dhoodu moro. Kanyo bende ema nyaka utimie gik moko duto machikou.

Rapar mar Chik 12:5

Ruoth Nyasaye ma Nyasachu owuon biro yiero kamoro e piny dhoodu moro mondo oketie nyinge. Kanyo kende ema unuchokrue kuom lamo Ruoth Nyasaye ma Nyasachu.

Joshua 9:21

to wabiro ketogi joma baronwa yien kendo ma umbonwa pi.” Kamano jo-Israel duto noyie gi wach mane jodonggi onyisogi.

Joshua 9:26

Kamano Joshua noresogi e lwet jo-Israel, mi ne ok ginegogi.