Joshua 9:24 - MUMA MALER 2015

²⁴ Ne gidwoke niya, “Ruoth, ne watimo kamano nikech nonyiswa ni Ruoth Nyasaye ma Nyasachi nochiko Musa jatichne ni mondo ochiwnu pinyni duto, kendo ni mondo uneg ji duto modakie. Kuom mano, birou osemiyo kihondko omakowa.

Motingʼo Loko Manyien

²⁴ Negidwoko Joshua niya, “Jotichni notimo kamano nikech Jehova Nyasaye ma Nyasachi nochiko Musa jatichne mondo omiu pinyni duto kendo uneg ji duto modakie. Omiyo ne waluor nikech un, kendo mano ema nomiyo watimo kamano.

Joshua 9:24 Iomraidhean Croise

Ayub 2:4

To Satan nodwoko ni, “Dhano nyalo yie weyo gimoro amora ma en go mana ni mondo obed mangima.

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Joshua 10:2

Kuom mano, jo-Jerusalem nobwok ahinya, nimar Gibeon ne en kama duong’ machalo dala ruoth. Noduong’ moloyo Ai, kendo joge ne gin jolweny marateke.

Joshua 2:11

Kane wawinjo wachno, ne wadoko maluor. Birou bende osekawo chunywa duto, nimar Ruoth Nyasaye ma Nyasachu en Nyasach polo gi piny.

Joshua 2:9

mowachonigi niya, “Ang’eyo ni Ruoth Nyasaye osemiyou pinyni, kendo en adier ni waduto waluor nikech birou, kendo kibaji omako piny duto.

Joshua 6:21

Ne giketho gik moko duto e dalano, bende ne ginego ng’ato ang’ata ma dichwo kata ma dhako, ma rawera kata moti, kod dhok gi romb kod kenje.

Joshua 9:9

Ne gidwoke niya, “Ruoth, waa e piny mabor ahinya nikech humb Ruoth Nyasaye ma Nyasachu. Wasewinjo gik ma notimore e Misri,