Joshua 9:1 - MUMA MALER 2015

¹ Ruodhi duto ma nodak yo podho chieng’ mar Jordan nowinjo humb wechego. Ne gin ruodhi mag jo-Hiti, gi mag jo-Amor, gi mag jo-Kanaan, gi mag jo-Perizi, gi mag jo-Hivi, kod mag jo-Jebus, mane gin ogendini modak e gode, gi pewe kod e dho Nam Mediterenia nyaka Lebanon yo nyandwat.

Motingʼo Loko Manyien

¹ Ruodhi duto mane odak yo podho chiengʼ mar aora Jordan nowinjo humb wechego; mane gin ruodhi moa e tiend gode mag pinyno, gi ruodhi moa yo podho chiengʼ mar gode gi mago moa e wedhe mag Nam Mediterania kaachiel gi ruodhi moa Lebanon (mane gin ruodhi mag jo-Hiti, jo-Amor, jo-Kanaan, jo-Perizi, jo-Hivi kod mago mag jo-Jebus);

Joshua 9:1 Iomraidhean Croise

2 Samuel 24:7

gi dala Turo mochiel gi ohinga kod mier duto mag jo-Hivi gi mag jo-Kanaan. Achien ne gidhi nyaka Beer-sheba, yo thim Juda.

Wuok 23:23

Malaikana notel e nyimu, kendo noteru e piny ma jo-Amor gi jo-Hiti gi jo-Perizi gi jo-Hivi kod jo-Jebus odakie, mi anatiek ogendinigo.

Wuok 23:31

Anayar tong’ pinyu, kochakore e Nam Makwar nyak Nam Maduong’ manie tong’ jo-Filistia, kendo kochakore e thim man yo milambo, nyaka aora Yufrate. Anami ulo jopinyno, mi unuriembgi.

Wuok 3:17

Koro aseng’ado wach ni nyaka agolu e piny Misri kuma isandoue, mi ateru e piny ma jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebuz odakie. En piny momew kendo machiek.’

Wuok 34:11

Kuom mano, rituru chike ma abiro miyou kawuono, eka abiro riembo jo-Amor gi jo-Kanaan gi jo-Hiti gi jo-Perizi gi jo-Hivi kod jo-Jebus mondo owenu thuolo.

Kwan 13:29

gi jo-Amalek modak e piny milambo, gi jo-Hiti gi jo-Jebus kod jo-Amor modak e piny gode, kod jo-Kanaan modak e dho nam, kendo e bath aora Jordan.”

Kwan 34:6

“Tong’u ma yo podho chieng’ to nobed Nam Mediterenia, gi dho namno. Mano ema nobed tong’u ma yo podho chieng’.

Rapar mar Chik 1:7

omiyo koro chakuru wuoth, mondo udhi e piny gode mag jo-Amor, kendo uked gi joma odak machiegni kodgi e holo mar aora Jordan, gi piny gode kod piny pewe gi piny man yo milambo, kod dhonam, ma tiende ni piny Kanaan kod piny Lebanon duto nyaka aora maduong’ mar Yufrate.

Rapar mar Chik 3:25

Akwayi ni yie ang’ad Jordan mondo aneye piny maber man loka cha kod piny gode mabeyo, kaachiel gi piny Lebanon.’

Rapar mar Chik 4:49

kaachiel gi piny pap duto man yo wuokchieng’ mar aora Jordan, nyaka Nam Kado man e tik got Pisga.

Rapar mar Chik 7:1

“Ka Ruoth Nyasaye ma Nyasachu oterou mondo ukaw piny ma ubiro dhiyoeno, noriembnu ogendini abiriyo madongo kendo marateke moloyou, ma gin jo-Hiti, gi jo-Girgash gi jo-Amor gi jo-Kanaan gi jo-Perizi gi jo-Hivi kod jo-Jebus.

Joshua 1:15

Ka gin bende gisekawo piny ma Ruoth Nyasaye ma Nyasachu miyogi, kendo gidakie, eka unuduogi, mondo udag e pinyu uwegi man yo wuok chieng mar aora Jordan, mane Musa jatich Nyasaye omiyou.”

Joshua 1:4

Kuonde duto nobed mau, chakre e thim ma yo milambo, nyaka Lebanon yo nyandwat, kendo koa Yufrate, aora maduong’ man yo wuok chieng’, koluwo piny jo-Hiti, nyaka Nam Mediterenia man yo podho chieng’.

Joshua 10:23

Mi ne gitimo kamano. Ne gin ruodhi mag Jerusalem gi Hebron gi Jarmuth gi Lakish kod Eglon.

Joshua 11:17

Lochne nochakore got Halak man but Seir, nyaka Baal-gad e holo mar Lebanon manie tiend got Hermon.

Joshua 13:5

kod piny jo-Gebal gi piny Lebanon duto man yo wuok chieng’ mar Baal-gad manie tiend got Hermon nyaka kama idonjogo Hamath.

Joshua 15:12

Nam Mediterenia ema notimo tong’ pinygi ma yo podho chieng’. Mano e tong’ ma nolworo dhout Juda duto.

Joshua 22:4

To koro Ruoth Nyasaye osemiyo oweteu pinyni kaka nosingorenigi, omiyo unyalo dok e miechu manie piny mane Musa jatich Ruoth Nyasaye omiyou yo wuok chieng’ mar aora Jordan.

Joshua 22:7

“Ero, udok e miechu gi mwandu mang’eny. Un gi dhok mathoth, gi fedha kod dhahabu, gi mula kod nyinyo, kendo gi lewni mogundho. Neuru ni upogo ni joweteu gigo duto musepeyo kuom wasiku.” Bang’ wachonigi kamano, noweyogi gia, mi gidok miechgi. (Musa nosemiyo jo-Manase konchielgi lowo e Bashan, to jo-Manase modong’ ema Joshua nomiyo lowo yo podho chieng’ mar Jordan kaachiel gi jowetegi.)

Joshua 23:4

Omiyo winjuru! Asepogo ni dhoutu piny ogendini ma aseriembo kaachiel gi piny jogo ma pod odong’, chakre aora Jordan yo wuok chieng’, nyaka Nam Maditerenia man yo podho chieng’.

Joshua 24:11

Eka bang’e nung’ado aora Jordan, muchopo Jeriko. Jo-Jeriko gi jo-Amor gi jo-Perizi gi jo-Kanaan gi jo-Hiti gi jo-Girgash gi jo-Hivi kod jo-Jebus nokedo kodu, to namiyo uloyogi duto.

Joshua 3:10

Tinende unuyud ranyisi ni Nyasaye mangima ni kodu, kendo nodarnu jo-Kanaan gi jo-Hiti gi jo-Hivi gi jo-Perizi gi jo-Girgash gi jo-Amor kod jo-Jebus.

Joshua 3:17

Jodolo ma noting’o Sandug Muma mar Ruoth Nyasaye nochung’ e lowo motwo e dier Jordan nyaka jo-Israel duto notieko kadho, ka giwuotho e lowo motwo.

Joshua 5:1

Ruodhi duto mag jo-Amor ma nodak yo podho chieng’, kod jo-Kanaan ma nodak mokiewo gi Nam Mediterenia nowinjo ni Ruoth Nyasaye osemiyo aora Jordan oduono ka jo-Israel kadho. Omiyo kihondko nomakogi, mi gidoko maluor, kendo chunygi noa nikech jo-Israel.

Joshua 6:27

Kamano Ruoth Nyasaye ne ni kod Joshua, mi humbe nolak e pinyno duto.

Joshua 9:7

To jo-Israel nodwoko jo-Hivigo niya, “Ang’o ma dimi watim kodu winjruok mar kue? Kamoro udak mana machiegni kodwa.”