Joshua 8:33 - MUMA MALER 2015

³³ Mi jo-Israel duto gi joma nobiro kodgi, kaachiel gi jodongo gi jotelo kod jong’ad bura, nochung’ e dir Sandug Muma mar Ruoth Nyasaye koni gi koni, ka gimanyore gi jo-Lawi ma jodolo ma noting’e. Jo-Israel moko nochung’ kochomo got Gerazim, to modong’ nochomo got Ebal, mondo oguedhgi kaka Musa jatich Ruoth Nyasaye nosechiko chon.

Motingʼo Loko Manyien

³³ Jo-Israel duto, jopinje mamoko kod jopinyno machalre, ka gin gi jodong-gi, gi jotendgi kod jongʼad bura nochungʼ e bath Sandug Muma mar singruok mar Jehova Nyasaye koni gi koni, ka gimanyore gi jo-Lawi ma gin jodolo. Nus mar jo-Israel nochungʼ kochomo got Gerizim, to nus mar jo-Israel mamoko nochungʼ kochomo got Ebal mana kaka Musa ma jatich Jehova Nyasaye nosechiko chon kane ochiwo nonro mar gwedho jo-Israel.

Joshua 8:33 Iomraidhean Croise

Wuok 12:49

Chikni otweyo ja-Israel gi jadak machalre.”

Tim jo-Lawi 24:22

to ng’at mogoyo wadgi monego, en bende nonege. Nyaka kum jadak mana kaka ikumo ja-Israel, nimar an e Ruoth Nyasaye ma Nyasachu.”

Kwan 15:15

En mana chik achiel ma omakou kaachiel gi japiny moro modak kuomu, kendo omako nyikwau nyaka chieng’. Un gi jodak uchalru e nyim Ruoth Nyasaye.

Kwan 15:16

Chik achielno ema omakou machalre gi japiny moro modak kuomu.”

Kwan 15:29

En chik achiel kende momako ng’at ma oketho ka ok ong’eyo, bed ni en japiny kata jadak.

Johana 4:20

To kwerewa ne lemo e wi godni, to un jo-Yahudi uwacho ni Jerusalem e kama ji onego olemie.”

Rapar mar Chik 11:29

“Ka Ruoth Nyasaye ma Nyasachu oseterou e piny mudhiye mondo ukaw obed maru, to uhul weche gueth e got Gerizim, to weche mag kuong’ uhul e got Ebal.

Rapar mar Chik 31:12

Nyaka uchik ji duto, chwo gi mon kod nyithindo, kaachiel gi jopinje mamoko modak kuomu, mondo giwinj chikno, eka gipuonjre luoro Ruoth Nyasaye ma Nyasachu, mi girit wechene duto maber.

Rapar mar Chik 31:25

nochiko jo-Lawi mane ting’o Sandug Muma mar Ruoth Nyasaye niya,

Rapar mar Chik 31:9

Musa nondiko chikno momiyo jodolo ma jo-Lawi mane ting’o Sandug Muma mar Ruoth Nyasaye, kod jodong Israel duto.

Joshua 23:2

Eka Joshua noluongo jodongo gi jong’ad bura kod jotelo duto mag Israel, mowachonigi niya, “Koro aseti ahinya,

Joshua 24:1

Joshua nochoko dhout jo-Israel duto Shekem, noluongo jodongo gi jotelo mag Israel, mi ne gisudo e nyim Ruoth Nyasaye.

Joshua 3:14

Omiyo ji nowuok e kambi mondo ong’ad aora Jordan, ka jodolo otelonigi koting’o Sandug Muma. Ne en ndalo keyo, kinde mane aora pong’ie mao.

Joshua 3:3

ka ginyiso ji niya, “Kuneno ka jo-Lawi ma jodolo otelo e nyimu koting’o Sandug Muma mar Ruoth Nyasachu, eka un bende unuchak wuoth kuluwo Sanduk.

Joshua 3:6

Eka nowacho ni jodolo niya, “Ting’uru Sandug Muma, kendo utel ni ji.” Mi ne gitimo kamano.

Joshua 4:10

Jodolo ma noting’o Sandug Muma nochung’ achung’a e dier Jordan nyaka ji notieko timo gik moko duto mane Ruoth Nyasaye ochiko Joshua mondo gitim. Ji nokadho piyopiyo,

Joshua 4:18

To kane jodolo oseidho loka, monyono lowo motwo, aora nochako mol kendo, mi genge nopong’ kaka chon,

Joshua 6:6

Omiyo Joshua wuod Nun nolwongo jodolo, mowachonigi niya, “Ting’uru Sandug Muma mar Ruoth Nyasaye, to ji abiriyo kuomu mondo otel e nyime, koting’o tunge abiriyo molos gi tunge imbe.”