Joshua 8:31 - MUMA MALER 2015

³¹ Nogere gi kite ma ok opa gi gir nyinyo, kaluwore gi chik mane Musa jatich Ruoth Nyasaye omiyo jo-Israel, kaka ondik e kitap Chik mar Musa. Ne gitimo ni Ruoth Nyasaye misengni miwang’o pep kod mag sawo e kendono.

Motingʼo Loko Manyien

³¹ mana kaka Musa jatich Jehova Nyasaye nosechiko jo-Israel. Nogere kaluwore gi gima nondiki e kitap Chik mar Musa niya, Kendo mar misango moger gi kite ma ok opa, gi gir nyinyo. Ewi kendono ema negichiwone Jehova Nyasaye misango miwangʼo pep kod misango mar lalruok.

Joshua 8:31 Iomraidhean Croise

2 Ruodhi 14:6

Ne ok onego yawuot jonekgo, to noluwo wach mondiki e Kitap Chik mar Musa, kama Ruoth Nyasaye owachoe niya, “Kik uneg wuone nikech richo mag nyithindgi, kata kik uneg nyithindo nikech richo mag wuonegi, to ng’ato ka ng’ato noneg mana nikech richone owuon.”

2 Ruodhi 22:8

Kindeno ema Hilkia jadolo maduong’ nowachoe ni Shafan jagoro niya, “Aseyudo Kitap Chik e Od Ruoth Nyasaye.” Mi nomiyo Shafan kitabuno, mosomo.

2 Weche mag Ndalo 25:4

Ne ok onego nyithindgi, to noluwo chik mondiki e kitap Musa, kama Ruoth Nyasaye owachoe niya, “Kik uneg wuone nikech richo mag nyithindgi, bende kik uneg nyithindo nikech richo mag wuonegi, to ng’ato ka ng’ato noneg mana nikech richone owuon.”

2 Weche mag Ndalo 35:12

Ne gipogo boche mag misengnii ni migepe mag dhoudi ma ok jo-Lawi, mondo owang’ ni Ruoth Nyasaye kaka ondiki e Kitap Musa. Kamano e kaka ne gitimo gi ruedhi bende.

Ezra 6:18

Bang’e ne giketo jodolo gi jo-Lawi e migepegi mag tich Nyasaye e Jerusalem, kaka nondiki e kitap Musa.

Nehemia 13:1

Chieng’no kane osom kitap Musa e nyim ji, noyud kondik ni ja-Amon kata ja-Moab ok onego donji e chokruok mar jo-Nyasaye nyaka chieng’,

Wuok 18:12

Bang’e Jethro notimo ni Nyasaye misango miwang’o pep, kod misengni mamoko. Harun gi jodong Isarel duto ne jobiro mochamo sawono gi Jethro e nyim Nyasaye.

Wuok 24:5

Eka nooro yawuowi moko ma jo-Israel monego ruedhi, mi gitimogo ni Ruoth Nyasaye misengni miwang’o pep, kod misengni mag sawo.

Mathayo 12:26

Kuom mano, ka Satan ema golo Satan wadgi, to mano nyiso ni opogore kende owuon. Koro ere kaka lochne dichung’?

Rapar mar Chik 27:2

kendo chieng’ ma ung’ado aora Jordan kudhi e piny ma Ruoth Nyasaye ma Nyasachu biro miyou, to uchung kite madongo, kendo umwon-gi.

Rapar mar Chik 27:8

Ndikuru malong’o weche duto mag chikni kuom kitego.”

Joshua 1:8

Kik wiyi wil gi Kitap Chikno, to nyaka isome odiechieng’ gotieno, kendo ine ni iluwo chik duto mondikie. Eka inidongi, kendo noguedh gik moko duto mitimo.