Joshua 8:28 - MUMA MALER 2015

²⁸ Kamano Joshua nowang’o Ai chuth, moweye kokethore, ma onge ji modakie nyaka chil kawuono.

Motingʼo Loko Manyien

²⁸ Omiyo Joshua nowangʼo Ai mi okete obedo pith mongingore mar kethruok kendo pod en kamano nyaka chil kawuono.

Joshua 8:28 Iomraidhean Croise

2 Ruodhi 19:25

To in Senakerib, kata obedo ni iwacho kamano, donge ing’eyo ni an Ruoth Nyasaye ema nachano chon mondo gigo otimre? Adier, ne achanogi chon, to koro amiyo gitimore. An ema ne achano mondo imuk mier mochiel motegno olokre gundni.

Isaya 17:1

Ma e wach mane Nyasaye onyiso e fweny kuom Damaski: Damaski biro kethore chuth, mi ute mukre kendo dhurre pidhe pidhe.

Isaya 25:2

Iseketho mier, mi udi momukore odhurore pidhe pidhe. Adier, iseloko mier mochiel motegno pidhe mag kite, mi udi mabeyo mag jopinje mamoko osekethore chuth, kendo ok nochak oger.

Jeremia 49:2

Onge wach! To kata kamano, ndalo biro ma anami joma odak e dala mar Raba winj mahu mar lweny. Dala maduong’ mar jo-Amonno nodong’ gunda, kendo mier matindo tindo mokiewo kode nowang’ chuth. Bang’e jo-Israel nochak okaw pinygi kuom joma nomayogigo. An Ruoth Nyasaye ema awacho kamano.

Jeremia 50:26

Monjuru Babulon kuonde duto koni gi koni, mondo umuk derene. Dhururu gik muyako ka pidhe mag cham. Kethuru dalano ma kik gimoro dong’ie.

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.

Rapar mar Chik 13:16

Nyaka uchok mwandu duto mag dalano kanyakla, kendo uket e laru manie dier dalano. Eka uwang’ dala duto, kaachioel gi gik moko duto manie iye ka misango miwang’o pep ni Ruoth Nyasaye ma Nyasachu. Dalano ok noger kendo, to nodong’ gunda nyaka chieng’.

Rapar mar Chik 13:17

To kik ukaw gimoro kata achiel kuom gik monego keth chuthgo, eka mirima mager mar Ruoth Nyasaye norum, mi notimnu ng’wono kendo nomi unya kaka nosingore ni kwereu.

Joshua 4:9

Bende Joshua nochungo kite apar gariyo moko e dier aora Jordan, kama jodolo mane oting’o Sandug Muma ochung’ie, kendo kitego pod ni kanyo nyaka chil kawuono.

Joshua 8:29

Noliero ruodh Ai e yath, moweye kanyo nyaka odhiambo. To ka chieng’ podho, nogolo chik mondo ong’ade oko e yath. Ne giwito ringre e dhoranga dala, mi gidhuro kuome kite mogundho, ma pod ni kanyo nyaka chil kawuono.