Joshua 8:24 - MUMA MALER 2015

²⁴ Kane jo-Israel osenego jo-Ai duto mane ni e pap, kod mane ni e thim kuma ne giselawogie, ne gidok Ai, mi ginego ji duto ma nodong’ kuno.

Motingʼo Loko Manyien

²⁴ Kane jo-Israel ne osetieko nego jo-Ai duto mane ni e pap kod mane ni e thim kama ne giselawogie, kendo kane gisenegogi duto gi ligangla, jo-Israel nodok Ai mi ginego jogo mane odongʼ kuno.

Joshua 8:24 Iomraidhean Croise

Kwan 21:24

To jo-Israel nonegogi oyokre, mokawo pinygi, chakre aora Arnon nyaka aora Jabok, ma en tong’ piny jo-Amon, kuma ne giyudoe ka weg pinyno rateke.

Joshua 8:23

mak mana ruodh Ai ema ne gimako kangima, mi gitero ir Joshua.

Joshua 8:25

Chieng’no noneg jo-Ai duto, ma onge ng’ama dichwo kata madhako ma nodong’. Ne giromo ji alufu apar gariyo.

Jong’ad Bura 20:42

Ne giringo jo-Israel, ka gichiko yo thim, to ne ok ginyal yombo, nimar thoth jolwenj jo-Isarel nothung’ogi, to bende jo-Israel ma noa e dalano nopodho kuomgi gi kang’egi, monegogi.