Joshua 8:20 - MUMA MALER 2015

²⁰ Kane jo-Ai ogoyo machiemo, ne gineno iro kadum e dala kochomo polo. Onge kuma ne ginyalo tonyie, nikech jo-Israel ma noyudo wuondore ni ringo kochomo thim, nolokore gi joma ne lawogi.

Motingʼo Loko Manyien

²⁰ Jo-Ai nongʼiyo chien ma gineno ka iro dhwolore e dala maduongʼ kochiko polo, makmana ne gionge gi thuolo mar pondo e yo moro amora nikech jo-Israel mane osebedo kawuondore ni ringo kochiko thim nolokore kod jogo mane lawogi.

Joshua 8:20 Iomraidhean Croise

Chakruok 19:28

mong’iyo yo Sodom gi Gomora kod pap duto moneno iro ka dhuolore.

Ayub 11:20

To joma timbegi richo norang koni gi koni, ka luoro omako, nikech onge yo moro ma ginyalo tonygo, to tho kende ema ginigen ni biro tiekogi.”

Zaburi 76:5

Jolweny ma jochir osedendi, kendo koro ginindo mana nindo mar tho. Onge kata ng’at achiel modong’ ma dikonyre gi gigi mag lweny.

Isaya 34:10

mi pinyno lokre lam maliel otieno gi odiechieng’, ma ok nyal negi, bende iro nodumie mochwere. Enodong’ thim kuom higni gi higni, kendo onge ng’ama nochak oluw kuno.

Joshua 8:19

Kane jo-Israel mopondo oneno ranyisi ma Joshua otimono, ne giwuok. Ne giringo piyopiyo, mi gidonjo e dala, kendo kane gisekawe, ne giwang’e gi kanyono.

Joshua 8:21

Joshua gi jo-Israel duto nolokore gi jo-Ai nikech ne gineno ka joma nopondo koro osekawo dala, mi owang’o.

Fweny 18:9

To ruodhi mag piny moseterore kode, kendo mosedak kode e ngimane mamalo noywage kasedo kod nyinge, kaneno ich mach mawang’e kadhuolore.

Fweny 19:3

Eka ne gichako gikok kendo niya, “Opak Nyasaye! Iro mar dala maduong’ mawang’no nodum nyaka chieng’!”

Jong’ad Bura 20:38

Jo-Israel noyudo osewinjore gi jogi mane obuto ni ka gineno iro madum e dalano kochomo polo, to mano biro bedonigi ranyisi

Jong’ad Bura 20:40

iro nodum e dala, kochomo polo. E sano ne gigoyo machiemo, mi gineno ka dala duto wang’.

Jong’ad Bura 20:41

Omiyo jo-Israel nolokore gi jo-Benjamin, mi luoro maduong’ nomako jo-Benjamin, ka gifwenyo ni kara oselogi.