Joshua 7:26 - MUMA MALER 2015

²⁶ Ne gidhuro kuome kite mogundho, ma pod ni kanyo nyaka chil kawuono. Mano emomiyo pod iluongo kanyo ni Holo mar Akor, (tiende ni, holo mar masira). Eka bang’e mirimb Ruoth Nyasaye norumo.

Motingʼo Loko Manyien

²⁶ Bangʼ mano ne gidhuro kite kuom Akan, ma mano pod ni kamano nyaka chil kawuono. Eka mirima mar Jehova Nyasaye norumo. Kuom mano kanyo pod iluongo ni Holo mar Akor nyaka chil kawuono.

Joshua 7:26 Iomraidhean Croise

2 Samuel 18:17

Jolweny noduogo mokawo ringre Absalom, mi gibolo e bugo matut mane ni e bungu, kendo ne gidhuro kuome kite mang’eny, molokore pith maduong’. To jo-Israel duto noringo nyaka miechgi.

2 Samuel 21:14

Ne gikawo choke Saulo gi mag Jonathan wuode, kaachiel gi mag joma noneg, mi giyiko Zeba e piny Benjamin, e liend Kish wuon Saulo. Ne gitimo duto mane ruoth ochiko, kendo bang’ mano, Nyasaye nokecho pinygi.

2 Weche mag Ndalo 29:10

Koro adwaro singora ni Ruoth Nyasaye ma Nyasach Israel ni wanamak chikne, mondo chunye olend kuom mirima mager ma en go kodwa.

Ezra 10:14

Koro jodongwa mondo ochung’ ni ogandawa duto, kendo jogo duto manie miechwa mosekendo nyi joma ok jo-Yahudi, mondo obi e nyim jodongo e seche moketi. Ng’ato ka ng’ato mondo obi e nyim jodonge kod jong’ad bura mag dalagi, nyaka mirimb Nyasaye man kuomwa e wachni rum.”

Zaburi 85:4

A Nyasaye Jawarwa, duogwa iri, mondo iwe sin kodwa.

Wuok 32:12

Ang’o momiyo imiyo jo-Misri biro wacho, niya, ‘Ruoth Nyasaye nogolo jo-Israel Misri mana ni mondo otimnigi marach, konegogi e gode, kendo otiekgi chuth’? Yie iwe mirimbi mager, kendo ilok paroni, mondo kik ikel masirani kuom jogi.

Isaya 40:2

Wuouru gi jo-Jerusalem gi muolo, kuwachonigi ni gisetieko ndalogi mag tuech, kendo ni osekumgi moromo. Ruoth Nyasaye osekumogi nyadiriyo kuom richogi duto.”

Isaya 65:10

Joga ma osebedo ka lama nokwa jambgi e geng’ Sharon, kendo holo mar Akor nobed leg dhogi.

Ywagruok 3:53

Ne giluta e bur ka angima, mi gibolo kite kuoma.

Hosea 2:15

Anachak adwokne puothene mag mzabibu, kendo nalok Holo Thagruok odok dhoranga geno. Ka aluonge, to nodwoka mana kaka ne odwoka kapod oyom, e kinde mane owuok oa e piny Misri.

Hosea 2:17

Ok nachak awe omul nying Baal kendo. An Ruoth Nyasaye ema awacho kamano.

Joel 2:13

Chunyu mondo otur, eka onyis ni uywagoru, to kik uyiech ayiecha lepu.” Duoguru ir Ruoth Nyasaye ma Nyasachu, nikech ong’won kendo okecho ji. Iye ok wang’ piyo, kendo onyiso herane mosiko, bende chunye lor a kuom kelo ni ji masira.

Joel 2:18

Bang’e Ruoth Nyasaye nonyiso ni ohero pinye ahinya, kendo nokecho joge.

Jona 1:15

Kamano ne gikawo Jona, mi gibolo e nam, eka nam nokue.

Zekaria 6:8

Eka ne oluonga monyisa niya, “Winji! Mago madhi yo nyandwatgo osemiyo chunya olendo gi piny ma nyandwatno.”

Kwan 25:8

kendo odonjogo e ot ma iye, kodwaro ja-Israelno. Nochwowe gi tong’ moriwe kaachiel gi nyakono. Eka tho mane oyudo ogoyo jo-Israel orumo.

Rapar mar Chik 13:17

To kik ukaw gimoro kata achiel kuom gik monego keth chuthgo, eka mirima mager mar Ruoth Nyasaye norum, mi notimnu ng’wono kendo nomi unya kaka nosingore ni kwereu.

Rapar mar Chik 13:18

Ruoth Nyasaye ma Nyasachu biro timo kamano kuwinjo dwonde, kendo urito chikene ma amiyou kawuono, kendo kutimo gik malongo e nyime.

Joshua 10:27

Kane chieng’ podho, Joshua nogolo chik, mi ong’adgi oko, kendo nowitgi e rogo mane gisepondoeno. Eka nolor dho rogo gi kite madongo, ma pod ni kanyo nyaka chil kawuono.

Joshua 7:24

Eka Joshua kod jo-Israel duto nokawo Akan nyakwar Zera, kaachiel gi fedha kod law kod dhahabu, gi yawuote gi nyige gi dhoge gi kenjene gi rombene gi hembe kod mwandune duto, moterogi e holo mar Akor.

Joshua 8:29

Noliero ruodh Ai e yath, moweye kanyo nyaka odhiambo. To ka chieng’ podho, nogolo chik mondo ong’ade oko e yath. Ne giwito ringre e dhoranga dala, mi gidhuro kuome kite mogundho, ma pod ni kanyo nyaka chil kawuono.