Joshua 7:12 - MUMA MALER 2015

¹² Mano emomiyo ok ginyal siro wasikgi, to giringo nimar gin bende koro okwedgi. Ka ok giwang’o gimoro amora mokwer ma gisekawo, to ok anabed kodgi.

Motingʼo Loko Manyien

¹² Mano emomiyo jo-Israel ok nyal loyo wasikgi; giloko ngʼegi kendo giringo nikech oseketgi gir kethruok. Ok anabed kodu makmana ka uketho gigo manie dieru mowal ni kethruok.

Joshua 7:12 Iomraidhean Croise

Zaburi 44:10

To isemiyo waringo wasikwa, mi giyako giwa.

Zaburi 60:10

Bende en adiera ni isedagiwa? Donge ibiro dhi e lweny gi jolwenjwa?

Ngeche 28:1

Jaricho ringo kata ka onge ng’ama lawe. Ng’at makare to jachir ka sibuor.

Isaya 59:2

to richou ema opogo kindu gi Nyasachu. Adier, richou ema osemiyo opandonu wang’e, mondo kik owinj kwayou.

Jeremia 23:33

“In Jeremia, ka ng’ato kuom joga kata kuom jonabi kata kuom jodolo openji wach moa kuoma, kowacho niya, ‘Ere ting’ mapek moa kuom Ruoth Nyasaye,’ to wachne ni, ‘Un e ting’ mapek ma Ruoth Nyasaye nigo, kendo obiro witou.’

Jeremia 6:8

Puonjreuru kuom mano, un jo-Jerusalem, nono to aweyou, mi aloko dalau thim, ma onge ng’ama dakie.”

Hosea 9:12

To kata kapo ni ginywolo nyithindo, to anami nyithindgigo tho duto mak aweyo kata achiel ka ngima. Ka ajwang’o jogi, to giniyud masira malich.

Habakuk 1:13

In to iler ma ok inyal yie neno richo, kata yie neno timbe mamono. Koro ere gima omiyo irango aranga joma andhokegi, to ok itim gimoro? Koso ang’o momiyo iling’ aling’a ka joma richo tieko joma kare moloyogi.

Kwan 14:39

Kane Musa onyiso jo-Israel gima Ruoth Nyasaye owacho, ne gimuoch gi ywak.

Kwan 14:42

Kik umed dhi nyime gi wuoth, nimar Ruoth Nyasaye ok nobed kodu, kendo wasiku biro loyou.

Kwan 14:43

Jo-Amalek gi jo-Kanaan nie nyimu, kendo gibiro negou. Ruoth Nyasaye ok nyal bedo kodu, nikech useweyo luwe.”

Kwan 14:45

Jo Amalek gi jo-Kanaan ma nodak e godego nomwomore kuomgi, moriembogi ka rodhogi nyaka Horma.

Rapar mar Chik 7:26

Kik ukel gimoro amora makuero e miechu, nikech kutimo kamano, to un bende unubed joma okwedi. Nyaka ubed mosin kod gik ma kamago, kendo ukwan-gi ka gik makuero, nikech gin gik ma nyaka utiek, marum chuth.

Joshua 6:18

To un, beduru motang’ kendo kik ugomb gik mokwer! Kik ukaw kata achiel kuomgi, nikech kutimo kamano to masira momako jodalano nomak kambi jo-Israel, kendo nokelnigi chandruok.

Jong’ad Bura 16:20

Eka delila nokok niya, “Samson, jo-Filistia osebiro monji!” Mi Samson nochiew, ka paro ni obiro guecho kendo wuok kaka pile. To ne ok ong’eyo ni Ruoth Nyasaye oseweye.

Jong’ad Bura 2:14

Omiyo Ruoth Nyasaye nokecho kodgi, mi nochiwogi e lwet mony moyakogi. To bende noketogi e lwet wasikgi duto mane olworogi, mi koro ne ok ginyal sirogi kata matin.

Jong’ad Bura 2:4

Kane malaika mar Ruoth Nyasaye osewacho ni jo-Israel wechego, ne giywak malit giduto.

1 Samuel 14:38

Mi Saulo nowacho ni jodonge niya, “Suduru machiegni, mondo unon kendo ufweny kuma kethoni oaye tinendeni.