Joshua 6:6 - MUMA MALER 2015

⁶ Omiyo Joshua wuod Nun nolwongo jodolo, mowachonigi niya, “Ting’uru Sandug Muma mar Ruoth Nyasaye, to ji abiriyo kuomu mondo otel e nyime, koting’o tunge abiriyo molos gi tunge imbe.”

Motingʼo Loko Manyien

⁶ Omiyo Joshua wuod Nun noluongo jodolo mowachonegi niya, “Tingʼuru Sandug Muma mar singruok mar Jehova Nyasaye kendo beduru gi jodolo abiriyo kotingʼo turumbete e nyime.”

Joshua 6:6 Iomraidhean Croise

Wuok 25:14

kendo irwakgi e ratege manie bath sanduk koni gi koni mondo oting’go sanduk.

Tich Joote 9:1

E ndalogo Saulo ne pod siemo jopuonjre mag Ruoth, kodwaro negogi. Ne odhi ir jadolo maduong’,

Joshua 24:11

Eka bang’e nung’ado aora Jordan, muchopo Jeriko. Jo-Jeriko gi jo-Amor gi jo-Perizi gi jo-Kanaan gi jo-Hiti gi jo-Girgash gi jo-Hivi kod jo-Jebus nokedo kodu, to namiyo uloyogi duto.

Joshua 3:3

ka ginyiso ji niya, “Kuneno ka jo-Lawi ma jodolo otelo e nyimu koting’o Sandug Muma mar Ruoth Nyasachu, eka un bende unuchak wuoth kuluwo Sanduk.

Joshua 3:6

Eka nowacho ni jodolo niya, “Ting’uru Sandug Muma, kendo utel ni ji.” Mi ne gitimo kamano.

Joshua 6:13

Jodolo abiriyo moting’o tunge abiriyo notelo e nyim Sanduk mar Ruoth Nyasaye ka goyo tung’. Jolweny moko notelonigi, to moko ne luwo Sanduk, kendo e kindego duto tung’ ne ywak.

Joshua 6:5

Ka giselwore kamano, to mondo gigo tung’ dichiel matek. Gikanyono muwinjoe tung’, to ji duto mondo okog matek. Eka ohinga mar Jeriko nopodh riep, kendo oganda lweny nodonj e dala, ka ng’ato ka ng’ato ochomo nyime tir.”

Joshua 6:7

Eka nowacho ni jolweny niya, “Wuothuru mondo ulwor dala Jeriko, ka jolweny moa e dhoudi ariyo gi nus kande otelo gi Sanduk mar Ruoth Nyasaye.”

Joshua 6:8

Kane Joshua osechiko jolweny kamano, jodolo abiriyo moting’o tunge abiriyo e nyim Ruoth Nyasaye nochako wuoth ka goyo tung’, kendo Sandug Muma mar Ruoth Nyasaye ne luwo bang’gi.

1 Samuel 4:3

Kane jolweny oduogo e kambi, jodong Israel nopenjore niya, “Marang’o Ruoth Nyasaye omiyo jo-Filistia oloyowa kawuono? Wadhiuru Shilo waom Sandug Muma mar Ruoth Nyasaye wabedgo, mondo oreswa e lwet wasikwa.”