Joshua 6:5 - MUMA MALER 2015

⁵ Ka giselwore kamano, to mondo gigo tung’ dichiel matek. Gikanyono muwinjoe tung’, to ji duto mondo okog matek. Eka ohinga mar Jeriko nopodh riep, kendo oganda lweny nodonj e dala, ka ng’ato ka ng’ato ochomo nyime tir.”

Motingʼo Loko Manyien

⁵ Ka uwinjogi ka gigoyo turumbetegi matek, to ket ji duto ogo koko matek; bangʼe ohinga mar Jeriko nopodh piny kendo ji duto nodonj e iye.”

Joshua 6:5 Iomraidhean Croise

Wuok 19:19

Ywak tung’ nomedore kendo e kinde ka kinde mane Musa wuoyo, Nyasaye ne dwoke gi mor polo.

Isaya 25:12

Ruoth Nyasaye nomuk ohinga margi marabora ma gigeng’orego, mi ruombre piny e buru.”

Isaya 30:25

Chieng’ nek maduong’no, ma ikethoe kuonde mochiel motegno, aore kod sokni mamol nobed ewi gode madongo kod pidhe maboyo duto.

Jeremia 50:15

Gouru sigich lweny e alwora mar dala koni gi koni, nimar jo-Babulon oseting’o badgi ni wasikgi! Ohingane osetuom momukore! An Ruoth Nyasaye koro achulo kuor ni jo-Babulon. Kuom mano, un bende chulnigiuru kuor, kendo utimnigi mana kaka ne gitimo ni ji mamoko.

Jo-Hibrania 11:30

Yie ema ne omiyo ohinga mar Jeriko opodho kane jo-Israel oseluore kuom ndalo abiriyo.

Joshua 6:16

E sa mane gilworee mar abiriyo jodolo ne goyo tung’. Eka Joshua nowacho ni jolweny niya, “Koro gueuru, nikech Ruoth Nyasaye osemiyou dalani.

Joshua 6:20

Jodolo nogoyo tung’, kendo kane jolweny owinjo, ne gigueyo gi dwol maduong’, mi ohinga mar dala nopodho. Eka jolweny duto nodonjo e dala, ka ng’ato ka ng’ato ochomo nyime tir, mi gikawe.

Joshua 6:4

Jodolo abiriyo nyaka dhi e nyim Sandug Muma, koting’ tunge abiriyo molos gi tunge imbe. To chieng’ mar abiriyo nyaka ilwor dala gi jogi mag lweny nyadibiriyo, ka jodolo goyo tungegi.

Joshua 6:6

Omiyo Joshua wuod Nun nolwongo jodolo, mowachonigi niya, “Ting’uru Sandug Muma mar Ruoth Nyasaye, to ji abiriyo kuomu mondo otel e nyime, koting’o tunge abiriyo molos gi tunge imbe.”

Jong’ad Bura 20:37

Joma nobutogo nowuok mothinyore Gibea koni gi koni, mi ginego ji duto mane nie dalano.

1 Samuel 17:20

Daudi nochiew gokinyi mang’ich, moweyo rombe gi jorit. Nokawo gigo modhi kaka Jesse nochike. Nochopo e kambi mana ka jolweny wuok dhi kedo, kendo ka gigiyo sigich lweny.

1 Samuel 17:52

Jo-Israel gi jo-Juda nogiyo sigich lweny, mi giriembo jo-Filistia nyaka Gath kod dhoranga Ekron. Ringre jo-Filistia mane onegi noriere e yo, chakre Shaarim nyaka Gath kod Ekron.

1 Samuel 4:5

Kane Sandug Muma mar Ruoth Nyasaye obiro e kambi, jo-Israel duto nokok matek, ma piny omor.