Joshua 6:24 - MUMA MALER 2015

²⁴ Eka ne giwang’o dala gi gik moko duto manie iye, mak mana fedha gi dhahabu kod gik molos gi mula kod molos gi nyinyo ema ne gikawo, mi gikano kar keno mar od Ruoth Nyasaye.

Motingʼo Loko Manyien

²⁴ Bangʼe ne giwangʼo dala maduongʼno duto, to gi gimoro amora manie iye, makmana fedha gi dhahabu, gi gik molos gi mula kod molos gi nyinyo noketi e kar keno mar od Jehova Nyasaye.

Joshua 6:24 Iomraidhean Croise

2 Samuel 10:5

Kane onyis Daudi wachno, nooro ji mondo orom ni jootego, nikech ne giyudo wichkuot maduong’. Nowacho mondo gibed Jeriko mondi nyaka yie tikgi dongi, eka giduogi.

2 Ruodhi 25:9

Nowang’o Od Ruoth Nyasaye, gi od ruoth, kod udi duto mag Jerusalem,

1 Weche mag Ndalo 18:11

Magi bende ruoth Daudi nochiwo ni Ruoth Nyasaye, kaachiel gi fedha kod dhahabu ma noyako kuom ogendni mamoko duto mane oseloyo, kaka jo-Edom gi jo-Moab gi jo-Amon gi jo-Filistia kod jo-Amalek.

Kwan 31:10

Ne giwang’o miechgi duto, kod kuondegi mag buoro.

Rapar mar Chik 13:16

Nyaka uchok mwandu duto mag dalano kanyakla, kendo uket e laru manie dier dalano. Eka uwang’ dala duto, kaachioel gi gik moko duto manie iye ka misango miwang’o pep ni Ruoth Nyasaye ma Nyasachu. Dalano ok noger kendo, to nodong’ gunda nyaka chieng’.

Rapar mar Chik 13:17

To kik ukaw gimoro kata achiel kuom gik monego keth chuthgo, eka mirima mager mar Ruoth Nyasaye norum, mi notimnu ng’wono kendo nomi unya kaka nosingore ni kwereu.

Rapar mar Chik 20:16

To e miech ogendini ma Ruoth Nyasaye ma Nyasachu biro miyougo, kik uweyee kata gimoro achiel ka ngima.

Joshua 11:11

Ne ginego gimoro amora mangima mane ni kuno, ma onge gima yueyo ma nodong’, kendo ne giwang’o dalano.

Joshua 6:19

To fedha gi dhahabu duto kod gik moko molos gi mula kod molos gi nyinyo ema nobed gik mochiw ni Ruoth Nyasaye, kendo nyaka tergi e kar keno mare.”

Joshua 6:25

Kamano Joshua noreso ngima Rahab gi joode kod ji duto mane ni kode, nikech nosepando jombetre ma noor mondo ocheng Jeriko. Nyikwa Rahab pod odak gi jo-Israel nyaka chil kawuono.

Joshua 8:28

Kamano Joshua nowang’o Ai chuth, moweye kokethore, ma onge ji modakie nyaka chil kawuono.

Fweny 17:16

To tunge apar mane ineno, kaachiel gi ondiegno, nobed mamon gi dhako ma jachodeno. Ginikeye nono mi giweye duk. Ginicham ringre, kendo giniwang’e pep gi mach,

Fweny 18:8

Mano omiyo masichene chieng’ moro nopoye chieng’ achiel. Masichego gin tho gi ywagruok kod kech, kendo nowang’e pep gi mach, nimar Ruoth Nyasaye moseng’adone bura nigi teko maduong’!”