Joshua 6:21 - MUMA MALER 2015

²¹ Ne giketho gik moko duto e dalano, bende ne ginego ng’ato ang’ata ma dichwo kata ma dhako, ma rawera kata moti, kod dhok gi romb kod kenje.

Motingʼo Loko Manyien

²¹ Negiwalo dala maduongʼno ni Jehova Nyasaye ma giketho gimoro amora kendo ginego gi ligangla ngʼato angʼata madichwo kata madhako, jomatindo kata joma oti, dhok gi rombe kod punde.

Joshua 6:21 Iomraidhean Croise

1 Ruodhi 20:42

Nowacho ni ruoth niya, “Ruoth Nyasaye owacho kama: ‘Ng’at ma nyocha adwaro ni mondo otho, iseweyo odhi, omiyo ibiro tho kare, kendo jogi biro tho kar joge.’ ”

Jeremia 48:18

To un joma odak Dibon, weuru duong ma un-go, mondo ubed piny e buru, nikech jaketh Moab osebiro kuomu, kendo oketho kuondeu mochiel motegno.

Rapar mar Chik 13:16

Nyaka uchok mwandu duto mag dalano kanyakla, kendo uket e laru manie dier dalano. Eka uwang’ dala duto, kaachioel gi gik moko duto manie iye ka misango miwang’o pep ni Ruoth Nyasaye ma Nyasachu. Dalano ok noger kendo, to nodong’ gunda nyaka chieng’.

Rapar mar Chik 2:34

Kinde nogono bende ema ne wakawoe mier mage duto, mwaketho chuth, kendo wanego ji duto mane odakie, chwo gi mon kod nyithindo. Onge ng’ato kata achiel mane waweyo ka ngima.

Rapar mar Chik 7:16

Tiekuru ji duto ma Ruoth Nyasaye ma Nyasachu biro chiwo e lwetu. Kik uwegi, to bende kik ulam nyisechegi, nikech kutimo kamano, to mano dibednu obadho.

Joshua 10:28

Chieng’no, Joshua nokawo Makeda, monego ruodhe gi joge. Notiekogi duto, kaachiel gi gimoro amora mangima mane ni kuno. Ne ok oweyo ng’ato ka ngima kata achiel, kendo notimo ni ruodh Makeda mana kaka nosetimo ni ruodh Jeriko.

Joshua 10:39

Ne gikawe kaachiel gi ruodhe kod mier matindo mokiewo kode, mi ne ginego ji duto kod gimoro amora mangima mane ni kuno. Ne ok giweyo ng’ato otony kata achiel. Ne gitimo ni Debir gi ruodhe mana kaka ne gitimo ni Hebron kod Libna gi ruodhi maggi.

Joshua 11:11

Ne ginego gimoro amora mangima mane ni kuno, ma onge gima yueyo ma nodong’, kendo ne giwang’o dalano.

Joshua 11:14

Ne gipeyo dhok, mi giyako gimoro amora mane giyudo e miego, kendo ne ginego ji duto, ma ok giweyo kata ng’at achiel ka yueyo.

Joshua 8:2

kendo unutim ni Ai kod ruodhe mana kaka nutimo ni Jeriko kod ruodhe. To wang’ni unyalo kawo dhok kod gik moko muyudo kuno. Koro or jolweny moko mondo odhi opond yo podho chieng’ mar dalano.”

Joshua 8:22

Jo-Ai mane owuok mondo orad gi jo-Israel koro noket diere, mi jo-Israel nonegogi duto, maonge modong’ kata motony,

Joshua 9:3

To kane jo-Gibeon owinjo gima Joshua osetimo Jeriko gi Ai, ne giparo mondo giwuonde.

Fweny 18:21

“Eka malaika maratego noting’o kidi machalo gi pong’ maduong’, mi obolo e nam, kowacho niya, “Mano e kaka dala maduong’ mar Babulon nobol piny, mi ok nochak onene kendo ngang’!

1 Samuel 15:3

Koro dhiyo iked gi jo-Amalek, kendo iketh mwandugi duto chuth. Kik iwegi, to ineggi duto, chwo gi mon, rawere gi nyithindo madhoth, gi dhok gi rombe, kod ngamia gi kenje.’ ”

1 Samuel 15:8

Agag, ruodh jo-Amalek, ema nomako kangima, to jomoko duto nonego pep.