Joshua 6:17 - MUMA MALER 2015

¹⁷ To joma odakie kaachiel gi gik moko duto manie iye noketh chuth, kendo dhano ok nomulgi, to ginibed gik mochiw ni Ruoth Nyasaye. Rahab gi ji duto manie ode kende ema nowe ka ngima, nikech en ema nopando jombetre mane waoro.

Motingʼo Loko Manyien

¹⁷ Dala maduongʼni duto, to gi gik moko duto manie iye nyaka wene Jehova Nyasaye. Makmana Rahab, mochot, to gi jogo duto manie ode ema nongʼwon-ne, nikech nopando joma ne waoro mane obiro nono piny.

Joshua 6:17 Iomraidhean Croise

Chakruok 12:3

“Anaguedh jogo ma guedhi, to nakuong’ jogo ma kuong’i, kendo ogendini duto mae piny nokwaya mondo aguedhgi kaka aseguedhi.”

Ezra 10:8

To ka ng’ato ok ochopo kapok ndalo adek orumo, to jotelo gi jodongo nyalo peyo gige duto, kendo ng’ado kare oko kuom oganda joma oa e tuech.

Isaya 34:6

Ligangla mar Ruoth Nyasaye notim remo lilo, kendo boche nogawre kuome, mana ka gima gin boche mag nyiroke imbe, kod remb rombe gi diek mitimogo misango, nimar Ruoth Nyasaye biro timo misango Bozra, dala Edom. Ee, obiro neko malich e piny Edom.

Jeremia 46:10

Kawuono en chieng’ Ruoth Nyasaye Manyalo Gik Moko Duto. En chieng’ mochuloe kuor ni wasike. Ligangla biro chamogi mi yieng’, kendo madh rembgi mi mer, nimar kawuono Ruoth Nyasaye Manyalo Gik Moko Duto, timo misango yo nyandwat but aora Yufrate.

Ezekiel 39:17

Ruoth Nyasaye nochako owacho niya, “Wuod dhano, nyis winy duto kod ondiegi duto man kuonde duto ni awachonigi kama: Biuru mondo ucham misango ma adwaro timonu. Obiro bet sawo maduong’ ahinya ewi gode mag Israel, kuma ubiro chamoe ring’o kendo madhoe remo.

Tim jo-Lawi 27:21

Ka higa mar mor ochopo mi owe puodhono, to nobed gima ler, ka puodho moyang ni Ruoth Nyasaye chuth. Nodong ni jadolo ka mwandune.

Mika 4:13

Mano emomiyo Ruoth Nyasaye wacho niya, “Un jo-Jerusalem, chakuru kumo wasiku! Abiro miyo ubedo maratego ka rwath ma tunge tek ka nyinyo, kendo ma tiende chalo chuma. Ubiro nyono ogendini mang’eny, kendo unuwalna mwandugi kod gik ma giseyako, obed maga, an Ruoth Nyasaye ma ruodh piny ngima.”

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

1 Jo-Korintho 16:22

Ka ng’ato ok ohero Ruoth, to mondo okuong’re! Ruodhwa bi!

1 Jo-Korintho 2:7

To rieko ma wapuonjo en rieko mopondo mar Nyasaye mapok ofwenyre. En rieko mopand ni ji, mane Nyasaye osechanonwa chon kane pok ochue piny, mondo wayud duong’.

Jo-Galatia 3:10

To jogo moyiengore kuom rito Chik kaka gima miyo gibedo e winjruok gi Nyasaye nie bwo kuong’, nikech Muma wacho niya, “Okuong’ ng’ato ang’ata ma ok osiko omako weche duto mondiki e kitap Chik!”

Jo-Galatia 3:12

To Chik ok otenore kuom yie ngang’, nikech Muma wacho niya, “Ng’ama otimo gik ma Chik dwaro ema nobed mangima kuom Chik.”

Rapar mar Chik 20:17

Jo-Hiti gi jo-Amor gi jo-Kanaan gi jo-Perizi gi jo-Hivi kod jo-Jebus, nyaka utiek chuth, kaka Ruoth Nyasaye ma Nyasachu osechiko.

Jo-Hibrania 11:31

Yie ema ne omiyo Rahab, dhako mane jachode, ok onegi kane inego joma ne otamore winjo wach Nyasaye. Ne ok onege nikech ne oserwako jombetre gi ng’wono.

Jo-Hibrania 6:10

Nyasaye en jaadiera, kendo wiye ok nyal wil gi tichu kod hera ma usenyiso ni uherego, ka ukonyo joge, kaka usebedo kutimo kendo pod utimo,

Jakobo 2:25

Paruru bende Rahab, dhako ma jachode. Donge Nyasaye nomiyo obet e winjruok kode nikech gik mane otimo kane orwako joote, mi bang’e nomiyo gitony e yo machielo?

Joshua 2:1

Kane pod gin Shitim, Joshua wuod Nun nooro jombetre ariyo ling’ling’ mondo odhi ocheng piny. Jombetrego nodhi Jeriko modonjo e od dhako moro ma ohodho ma nyinge Rahab, kendo ne ginindo kanyo.

Joshua 2:22

Kamano ne gidhi e got, mi gipondo kuno. Joma ne lawogi nomanyogi kuonde duto e yo madhi Jordan kuom ndalo adek, to ne ok giyudogi, omiyo ne gidok Jeriko.

Joshua 7:1

To jo-Israel ne ok orito chik mane Nyasaye ogolo ni mondo oketh gik moko duto. Akan wuod Karmi ma wuod Zabdi ma wuod Zera ma ja-Juda nokawo gik mokwer mi Ruoth Nyasaye nokecho gi jo-Israel.

1 Samuel 15:3

Koro dhiyo iked gi jo-Amalek, kendo iketh mwandugi duto chuth. Kik iwegi, to ineggi duto, chwo gi mon, rawere gi nyithindo madhoth, gi dhok gi rombe, kod ngamia gi kenje.’ ”

1 Samuel 15:6

To nowacho ni jo-Keni niya, “Un to, wuoguru ua kuom jo-Amalek, nimar dipo ka anegou kaachiel kodgi, to un nutimo maber ni jo-Israel kane giwuok gia Misri.” Kamano jo-Keni nowuok moa kuom jo-Amalek.