Joshua 5:13 - MUMA MALER 2015

¹³ Kane Joshua ochopo machiegni gi Jeriko, noneno ng’at mochung’ e nyime, koting’o ligangla, Joshua nodhi ire, mopenje niya, “In jakorwa, koso jasikiwa?”

Motingʼo Loko Manyien

¹³ Ka koro Joshua ne chiegni chopo Jeriko, nongʼiyo nyime mi oneno ngʼato mochungʼ kotingʼo ligangla e lwete. Joshua nosudo machiegni kode mopenje niya, “In jakorwa koso jasikwa?”

Joshua 5:13 Iomraidhean Croise

Chakruok 18:1

Ruoth Nyasaye nofwenyore ni Ibrahim but yien milemoe mag Mamre. Noyudo oyueyo e dho hembe, ka chieng’ kech.

Chakruok 18:2

To kane oting’o wang’e nopo koneno ji adek mochung’ e nyime. Noringo kodhi romonigi, kendo nogoyo chonge piny, mokulore nyaka e lowo.

Chakruok 28:16

Eka Jakobo nochiew mowacho niya, “Adier, kara Ruoth Nyasaye nika, to ok ang’eyo!”

Chakruok 33:1

Kane Jakobo oting’o wang’e moneno Esau kabiro gi ji mia ang’wen, nopogo nyithinde ni Lea gi Rahel kod monde ariyo ma jotich.

Chakruok 33:5

Kane Esau oting’o wang’e, moneno mond Jakobo gi nyithindgi nopenjo niya, “Magi ng’a gini man kodigi?” Jakobo nodwoke ni, “Jaduong’, gin nyithindo ma Nyasaye osemiya kuom ng’wonone.”

1 Weche mag Ndalo 12:22

Ji ne medo biro ir Daudi odiechieng’ kodiechieng’ mondo okonye, nyaka ne gidoko oganda mang’ongo mar jolweny.

1 Weche mag Ndalo 21:27

Eka Ruoth Nyasaye nochiko malaika mondo odwok ligangla e olalo.

1 Weche mag Ndalo 21:30

Daudi ne ok odhi kanyo mondo openj Ruoth Nyasaye wach, nikech ligangla mar malaika mar Ruoth Nyasaye nobwoge.

Wuok 23:23

Malaikana notel e nyimu, kendo noteru e piny ma jo-Amor gi jo-Hiti gi jo-Perizi gi jo-Hivi kod jo-Jebus odakie, mi anatiek ogendinigo.

Daniel 10:5

Ne ating’o wang’a mi aneno ng’at morwako law maber, kendo otueyo okanda mar dhahabu.

Daniel 8:3

Ne ating’o wang’a mi aneno im kochung’ e bath aora. Ne en gi tunge ariyo madongo, ma achiel kuomgi bor moloyo machielo. To maborno ema ne aneno ka twi achien.

Zekaria 1:8

Nende aneno fweny gotieno ni ng’ato oidho faras masilwal, kochung’ e kind yien e holo moro. To kadieng’eye ne nitie farese ma silwende gi marabuore kod marachere.

Kwan 22:23

Kane kanyna oneno malaika kochung’ e yo gi ligangla, nobaro moweyo yo, to Balaam nochwade mondo oduog e yo.

Kwan 22:31

Eka Ruoth Nyasaye noyawo wang’ Balaam moneno malaika mar Ruoth Nyasaye kochung’ e yo gi ligangla. Nokulore, mopodho piny auma e nyim malaika.

Tich Joote 1:10

To kane pod gichomo wang’gi e polo, ka girango kaka odhi, ne gipo ka ji ariyo morwako lewni marachere ochung’ butgi.

Joshua 6:2

Ruoth Nyasaye nowacho ni Joshua niya, “Asechiwo Jeriko gi ruodhe e lweti.

Fweny 1:13

to e dier teynigo ne nitie gimoro machalo dhano, morwakore gi kandhu mochopo nyaka e tiende piny, kendo otweyo kore gi okanda mar dhahabu.

Jong’ad Bura 13:11

Manoa noa malo, moluwo chiege, mi nodhi openjo ng’atno niya, “In e jal ma nende owuoyo gi chiega koso?” Ng’atno nodwoke niya, “Ee an.”

Jong’ad Bura 13:22

omiyo nowacho ni chiege niya, “Wabiro tho, nikech waseneno Nyasaye.”