Joshua 5:1 - MUMA MALER 2015

¹ Ruodhi duto mag jo-Amor ma nodak yo podho chieng’, kod jo-Kanaan ma nodak mokiewo gi Nam Mediterenia nowinjo ni Ruoth Nyasaye osemiyo aora Jordan oduono ka jo-Israel kadho. Omiyo kihondko nomakogi, mi gidoko maluor, kendo chunygi noa nikech jo-Israel.

Motingʼo Loko Manyien

¹ Kane ruodhi duto ma jo-Amor modak yo podho chiengʼ mar aora Jordan to gi ruodhi duto mag jo-Kanaan modak e dho nam nowinjo kaka Jehova Nyasaye notwoyo aora Jordan e nyim jo-Israel nyaka negingʼado, chunygi nobwok kendo ne gionge gi chir mar chomo jo-Israel tir.

Joshua 5:1 Iomraidhean Croise

Chakruok 12:6

Abram nowuotho e pinyno nyaka nochopo kar lemo man Shekem, e tiend yath mar More. E ndalogo jo-Kanaan ne pod odak e pinyno.

Chakruok 48:22

In ema amiyi lowo ma Shekem, mane amiyo jo-Amor e lweny. Kamano inibed gi puodho achiel moloyo oweteni.”

2 Samuel 21:2

Kuom mano ruoth noluongo jo-Gibeon ire. (Jo-Gibeon ne ok gin jo-Israel to ne gin jo-Amor ma nodong’ mane jo-Isarel otimogo winjruok. Kata kamano Saulo ne dwaro negogi, nikech nodwaro ni mondo jo-Israel gi jo-Juda ogurre motegno.)

1 Ruodhi 10:5

gi chiemb ode, gi jotichne, gi rwakruokgi, gi jolos divai mage, kod misengni ma notimo e Od Ruoth Nyasaye, dhoge nomoko.

Ezra 9:1

Kane osetim gigo duto, jodongo moko nobiro ira, mowachona niya, “Jo-Israel koda ka jodolo gi jo-Lawi ok osepogore moa kuom joma ok jo-Yahudi, to gitimo mana timbe makuero mane mag jo-Kanaan gi jo-Hiti gi jo-Perizi gi jo-Jebus gi jo-Amon gi jo-Moab gi jo-Misri kod jo-Amor.

Zaburi 135:11

Ne gin Sihon, ruodh jo-Amor, gi Og ruodh Bashan, kod ruodhi duto mag Kanaan.

Wuok 23:28

Bende anaor luoro mondo otel nyimu, kendo luoro nogo noriemb jo-Hivi gi jo-Kanaan kod jo-Hiti, mondo owenu thuolo.

Isaya 41:5

Pinje mae dhonembe kod chulni osewinjo wachno, modoko maluor, kendo ji duto kirni, chakre tung’ piny nyaka tung’ piny.

Ezekiel 16:3

bende nyise ni an Ruoth Nyasaye awacho kama: Ne onywoli e piny Kanaan. Wuoru ne ja-Amor, to meru ne nyar jo-Hiti.

Ezekiel 21:7

To ka gipenji gima omiyo ichur, to nyisgi ni ichur nikech gima biro timore. Bende nyisgi ni e kindeno, kihondko nomakgi, kendo bedegi nowengni, mi chir ma gin go lal nono, kendo chongegi tetni. Kindeno osechopo, kendo gigo biro timore. An Ruoth Nyasaye ema awacho kamano.”

Daniel 5:6

ne obedo maluor, mi chunye ochandore, kendo dende ojuol ka chongene tetni.

Amos 2:9

To koro eka un ema numiyo atieko jo-Amor ma raboche ka yiend sida, kendo matek ka yiend ober. Ne atiekogi pep!”

Kwan 13:29

gi jo-Amalek modak e piny milambo, gi jo-Hiti gi jo-Jebus kod jo-Amor modak e piny gode, kod jo-Kanaan modak e dho nam, kendo e bath aora Jordan.”

Joshua 17:12

Jo-Kanaan pod weg pinyno nyaka chil kawuono, nikech jo-Manase ne ok nyal riembogi.

Joshua 17:18

to piny gode bende nobed maru. “Kata otimo bungu kamano, to kaweuru, kendo ubete nyaka uchop e tong’. Adier, jo-Kanaan nigi geche lweny mag nyinyo, to pod unuriembgi ariemba.”

Joshua 24:15

Ka ok uikoru mar tiyone, to yieruru tinendeni nyasaye mubiro tiyone. Unyalo tiyone nyiseche mane kwereu lamo loka aora Yufrate, kata nyiseche mag jo-Amor, ma koro udak e pinygini. To an, kaachiel gi jooda, wabiro tiyo ni Ruoth Nyasaye.”

Joshua 3:16

gikanyono pi nochung’ gi yo ka malo, kogingore machiegni gi Adam, dala man but Zarethan. Pi mane mol kochomo nam mar Araba, miluongo ni Nam Kado, noduono chuth, mi jo-Israel nong’ado aora kama omanyore gi Jeriko.

Joshua 3:17

Jodolo ma noting’o Sandug Muma mar Ruoth Nyasaye nochung’ e lowo motwo e dier Jordan nyaka jo-Israel duto notieko kadho, ka giwuotho e lowo motwo.

Fweny 18:10

Ginichung’ gi kuma bor, ka kihondko omakogi nikech sandruok moyudo, kendo giniwach niya, “Yaye! Mano kaka dala maduong’ neno malit! Yaye! In Babulon, dala man gi teko, osetieki mana e sa achiel kende!”

Jong’ad Bura 1:1

Bang’ tho Joshua, jo-Israel nopenjo Ruoth Nyasaye wach niya, “Ere dhoot monego kuong dhi monjo jo-Kanaan?”

Jong’ad Bura 11:23

Omiyo ne en mana Ruoth Nyasaye ma Nyasach Israel, ema noriembo jo-Amor mondo oweni joge Israel thuolo.

Jong’ad Bura 3:3

Ogendinigo e magi: ruodhi abich mag jo-Filistia gi jo-Kanaan duto, gi jo-Sidon kod jo-Hivi mane odak Lebanon, chakre god Baal-hermon nyaka kama idonjogo Hamath.

Jong’ad Bura 4:2

omiyo nochiwogi e lwet Jabin ruodh jo-Kanaan ma nodak Hazor. Jaduong’ jolweny Jabin ne nyinge Sisera. Nodak Harosheth-hahagoim,

1 Samuel 25:37

To kinyne gokinyi, ka kong’o noserumo e wang’e, chiege nonyise weche duto, mi chunye notho ka kidi.