Joshua 4:24 - MUMA MALER 2015

²⁴ Kamano ji duto manie piny nong’e teko mar Ruoth Nyasaye, kendo ginimi Ruoth Nyasaye ma Nyasachu duong’ nyaka chieng’.”

Motingʼo Loko Manyien

²⁴ Notimo kamano mondo ji duto manie piny ongʼe ni lwet Jehova Nyasaye nigi teko kendo mondo omi uluor Jehova Nyasaye ma Nyasachu kinde duto.”

Joshua 4:24 Iomraidhean Croise

1 Ruodhi 8:40

Kuom mano, mondo giluori ndalo duto ma gidakgo e piny ma nimiyo kwerewani.

1 Ruodhi 8:60

Ji duto mae piny ngima mondo ong’e ni Ruoth Nyasaye kende e Nyasaye, kendo onge moro.

2 Ruodhi 19:19

To koro in Ruoth Nyasaye ma Nyasachwa, yie ireswa e lwet Senakerib, mondo ogendinii duto mae piny ong’e ni in kendi e Nyasaye.”

2 Ruodhi 5:15

Naaman gi joge duto nodok ir ng’at Nyasaye, mochung’ e nyime, kowachone niya, “Koro ang’eyo ni onge Nyasaye kamoro amora mak mana e Israel; omiyo akwayi ni yie ikawie mich moro matin.”

1 Weche mag Ndalo 29:12

Mwandu gi duong’ a kuomi, kendo in ema irito ji duto. Teko gi nyalo bende ipogo ni ji.

Ayub 40:9

Bende iratego ka an adier? Koso dwondi bende chal gi mara ma mor ka polo?

Zaburi 106:8

To kata kamano, ne oresogi kaka ne osesingore, mondo onyisgo tekone maduong’!

Zaburi 89:13

Mano kaka iratego! Adier, mano kaka tekoni ng’eny!

Zaburi 89:7

In ema malaika miyi luor e buch polo. Ee, oluori moloyo malaika duto man buti.

Wuok 14:31

Kane jo-Israel oneno teko maduong’ mane Ruoth Nyasaye okumogo jo-Misri, ne giluore, mi ne giyie kuome kendo kuom Musa jatichne.

Wuok 15:16

Luoro gi kihondko omakogi, mi gichung’ achung’a ka siro, nikech duong’ mar tekoni. A Ruoth Nyasaye, gichung’ kamano, nyaka joma iloko jogi kadhi.

Wuok 20:20

Musa nodwokogi niya, “Kik uluor, nimar Nyasaye osebiro mana ni mondo otemu, kendo omi usik kuluore mondo kik utim richo.”

Wuok 9:16

To aseweyi ibet mangima mana ni mondo anyisigo tekona, kendo mondo humba olag e piny ngima.

Isaya 52:10

Ruoth Nyasaye osenyiso tekone, mana e nyim ogendini duto ka neno, omiyo ji duto modak e tung’ piny koni gi koni none ka Ruoth Nyasaye reso joge.

Jeremia 32:40

Anatim kodgi singruok mochwere ni ok nawe timonigi maber, kendo anami giluora gi chunygi duto, mi ok ginibar giweya.

Rapar mar Chik 28:10

Ogendini duto mag piny none ni un jo Ruoth Nyasaye mi giniluoru.

Rapar mar Chik 6:2

E ngimau duto un kaachiel gi nyikwau nyaka uluor Ruoth Nyasaye ma Nyasachu, kendo urit buchene gi chikene ma amiyou kawuono. Bang’e eka unudag maber aming’a.

1 Samuel 17:46

Tinendeni Ruoth Nyasaye biro chiwi e lweta, mi abiro negi, kendo ang’ad wiyi oko. Ringri gi ringre jolweny mag jo-Filistia abiro weyo ni winy mae polo, kendo ni ondiegi mae thim, mondo piny duto ong’e ni nitie Nyasaye e Israel.