Joshua 4:23 - MUMA MALER 2015

²³ kendo ne Ruoth Nyasaye ma Nyasachu nomiyo aora Jordan odwono nyaka ne ukadho uduto mana kaka nomiyo Nam Makwar oduono nyaka ne wakadho.

Motingʼo Loko Manyien

²³ Nimar Jehova Nyasaye ma Nyasachu notwoyo aora Jordan e nyimu nyaka ukalo loka kocha. Jehova Nyasaye ma Nyasachu notimo ni aora Jordan mana gima notimone Nam Makwar e ndalo mane otwoye e nyimu nyaka ne ungʼado loka kocha.

Joshua 4:23 Iomraidhean Croise

1 Ruodhi 8:43

to yie mondo iwinj e polo kama idakie, kendo itim duto ma ng’at ma wendono okwayi. Kamano ji duto mae piny mondo ong’e nyingi, kendo oluori, mana kaka jogi Israel oluori, kendo mondo ging’e ni Hekalu ma asegeronini en mari adier.

Nehemia 9:11

Nipogo nam diere e nyimgi, mi ging’ado ka giwuotho e lowo motwo, To joma ne lawogi niwito e kut ka kidi mowit e apaka mar nam.

Zaburi 78:13

Ne obaro nam, mi otelonigi nyaka gikadho, ka pi ogingore ka ohinga koni gi koni

Wuok 14:21

Musa norieyo bade e nam, mi Ruoth Nyasaye notugo yamb ugue mokudho matek otieno duto, mi nam nong’wel, kendo kama ne pi nitie nodoko motwo. Pigno nopogore diriyo,

Wuok 15:19

Farese Farao kod gechene gi joithgi nodonjo e nam, mi Ruoth Nyasaye noduogo pi, moimogi. To jo-Israel nong’ado nam, kawuotho e lowo motwo.

Isaya 43:16

An Ruoth Nyasaye ema ne apogo nam, mondo yo obedie e kind pige mogingore madongo.