Joshua 24:27 - MUMA MALER 2015

²⁷ Eka nowacho ni ji duto niya, “Uneno kidini? Nobednwa janeno, nikech osewinjo weche duto ma Ruoth Nyasaye owachonwa. Kuom mano, nobednu janeno mondo kik uwe luwo Ruoth Nyasaye.”

Motingʼo Loko Manyien

²⁷ Nowachone jogo niya, “Neuru! Kidini biro bedo janeno kuomu. Osewinjo weche duto ma Jehova Nyasaye osewachonwa. Obiro bedo janeno kuomu ka ubedo jo-miriambo ne Nyasachu.”

Joshua 24:27 Iomraidhean Croise

Ayub 31:23

To adier ne ok anyal timo gima kamano, nikech aluoro kum malich ma Nyasaye kumogo ji.

Ayub 31:28

Richo ma kamano ikumo gi tho, nimar okwedo Nyasaye Manyalo Gik Moko Duto.

Ngeche 30:9

nimar ka abedo gi chiemo mathoth, to dipo ka akwedi, to bende ka an jachan, to dipo ka akwelo, mi aketho nyingi, yaye Nyasaye.

Isaya 1:2

Winjuru un polo gi piny, kendo chikuru itu, nikech Ruoth Nyasaye osewuoyo, ka wacho niya, “An gi nyithindo ma asepidho modoko madongo, to koro gisepiem koda.

Isaya 59:13

Waseng’anyo, mi waketho e nyim Ruoth Nyasaye. Adier, wasedok chien, mi wajwang’o Nyasachwa. Bende waseparo weche mag miriambo e chunywa, kendo mago ema wawuondogo ji.

Habakuk 2:11

Kata mana kite manie kor utu noywagrenu, kendo yien manie tetu nodwokgi!

Kwan 11:20

to unuchame kuom due ngima, nyaka chop othing’u, mi ung’ogi, nikech usedagi Ruoth Nyasaye modak e kindu, kendo useywakne kuwacho niya, “Ang’o momiyo ne wawuok e piny Misri?” ’ ”

Mathayo 10:33

To ng’at ma okweda e nyim ji an bende anakwede e nyim Wuora mae polo.

Luka 19:40

To nodwokogi ni, “Awachonu ni, ka giling’ to kara koda ka kitegi bende biro kok!”

Rapar mar Chik 30:19

Koro aluongo polo gi piny mondo obed joneno ni aseketo gik moko ariyo e nyimu mondo uyier. Gin ngima gi gueth, kata tho gi kuong’. To yieruru ngima, mondo udag maber kaachiel gi nyikwau.

Rapar mar Chik 31:19

“Kuom mano, koro ndik wer ma anyisi ni, kendo ipuonjgi kaka iwere, mondo oparnigi chikena.

Rapar mar Chik 31:21

Ka githagore malit kendo gineno masiche malit kamano, to wendni nobednigi rapar, nimar nyikwagi nosik ka were. Kata koroni, kapok akelogi e piny ma nasingora ni namigi, ang’eyo kaka chunygi chalo.”

Rapar mar Chik 31:26

“Kawuru kitap chikni, uket e bath Sandug Muma mar Ruoth Nyasaye ma Nyasachu, mondo obednu kanyo ka rapar,

Rapar mar Chik 32:1

“In polo, chik iti ka awuoyo! In piny, winj wechena!

Rapar mar Chik 4:26

Koro aluongo polo gi piny mondo obed janeno ni, ka timbeu obedo maricho e nyim Ruoth Nyasaye ma Nyasachu kamano, mokecho kodu, to unurum piyopiyo, kendo ok nudag aming’a e piny ma koro ung’ado Jordan mondo udhi ukaw, to notieku chuth.

Tito 1:16

Giwacho ni ging’eyo Nyasaye, to timbegi nyiso ni gidage. Gin joma timbegi mono, kendo ma ok winj wach, kendo ma ok nyal timo gimoro maber.

Joshua 22:34

Jo-Reuben gi jo-Gad noluongo kendono ni ‘Rapar’, nikech ne giwacho niya, “Noparnwa waduto ni Ruoth Nyasaye en Nyasaye.”

Joshua 24:28

Eka Joshua nomiyogi thuolo, kendo ng’ato ka ng’ato nodok kar dakne e lowo mopogne.

Fweny 3:8

“ ‘Ang’eyo timbeni duto. Winji! Aseketo dhoot moyaw e nyimi, maonge ng’ama nyalo loro. Ang’eyo ni kata in gi teko matin kamano, to iserito wachna, kendo pok ikwedo nyinga.

1 Samuel 7:12

Samuel nokawo kidi, mochungo kanyo e kind Mizpa gi Jeshana. Nowacho niya, “Ruoth Nyasaye osekonyowa nyaka ka.” Omiyo nochako kidino ni Ebenezer, (tiende ni, kidi mar konyruok).