Joshua 24:25 - MUMA MALER 2015

²⁵ Kamano Joshua nomiyo jo-Israel otimo singruok gi Ruoth Nyasaye ka gin Shekem odiechieng’no, mi nomiyogi chike.

Motingʼo Loko Manyien

²⁵ E odiechiengno Joshua noketo singruok ne jogo, kendo kane gin Shekem nomiyogi chike monego gilu.

Joshua 24:25 Iomraidhean Croise

Chakruok 35:4

Omiyo ne gimiyo Jakobo nyiseche duto mag pinje moko mane gin go, kod stadi mane giketo e itgi, mi noikogi e tiend yath moro machiegni gi Shekem.

2 Ruodhi 11:17

Eka Jehoyada nomiyo ruoth kod jo-Israel osingore ni Ruoth Nyasaye, ni ginibed jo-Ruoth Nyasaye. Nomiyo ruoth gi ji bende otimo winjruok e kindgi giwegi.

2 Weche mag Ndalo 15:12

Ne gisingore mondo giluw Ruoth Nyasaye ma Nyasach kweregi gi chunygi duto,

2 Weche mag Ndalo 15:15

Jo-Juda duto ne mor nikech singruokno, nimar ne gisingore gi chunygi duto. Ne gidwaro Ruoth Nyasaye gi siso maduong’, mi ne giyude, kendo nomiyogi kue kuonde duto.

2 Weche mag Ndalo 23:16

Eka Jehoyada, kaachiel gi ji kod ruoth bende, ne josingore ni ginibed jo-Ruoth Nyasaye.

2 Weche mag Ndalo 29:10

Koro adwaro singora ni Ruoth Nyasaye ma Nyasach Israel ni wanamak chikne, mondo chunye olend kuom mirima mager ma en go kodwa.

Nehemia 9:38

Kuom mago duto watimo singruok motegno, kwandiko wechene, kendo jodongwa gi jo-Lawi mawa kod jodolowa oketo lwetgi ka joneno.

Wuok 15:25

Musa nolamo Ruoth Nyasaye gi chunye duto, mi Ruoth Nyasaye nonyise osiki moro. Nokawe, mobole e pi, mi pi nodoko mamit. Kanyo ema Ruoth Nyasaye nomiyogie chik mogurore, kendo kanyo ema notemogie.

Wuok 24:3

Musa nodhi monyiso ji chike kod buche duto mag Ruoth Nyasaye. Ji duto nodwoke niya, “Wayie timo gik moko duto ma Ruoth Nyasaye osewacho.”

Rapar mar Chik 29:1

Mago e weche mag singruok mane Ruoth Nyasaye ochiko Musa mondo omi jo-Israel otim, kane gin e piny jo-Moab. Singruokno ne omedi kuom singruok mane otimo kodgi Horeb.

Joshua 24:1

Joshua nochoko dhout jo-Israel duto Shekem, noluongo jodongo gi jotelo mag Israel, mi ne gisudo e nyim Ruoth Nyasaye.

Joshua 24:26

Nondiko chikego e Kitap Chik mar Ruoth Nyasaye, kendo nochungo kidi maduong’ e tiend yath man but Hema Maler mar Ruoth Nyasaye.