Joshua 24:20 - MUMA MALER 2015

²⁰ Kuweyo Ruoth Nyasaye, mutiyo ni nyiseche mamoko, to enolokre jasiku, kendo nokumu. Kata obedo ni oseguedhou kamano, to koro enotieku chuth.”

Motingʼo Loko Manyien

²⁰ Ka ungʼanyo uweyo Jehova Nyasaye mi utiyo ne nyiseche manono, to obiro lokore mi okelnu thagruok kendo enotieku duto, kata obedo ni ne osedoko jakoru kamano.”

Joshua 24:20 Iomraidhean Croise

1 Weche mag Ndalo 28:8

To koro akwayou uduto e nyim Nyasaye, kendo e nyim jo-Ruoth Nyasaye duto ni mondo unon matut chike mag Ruoth Nyasaye ma Nyasachu, mondo piny maberni osik maru, kendo uweye kodong’ ni nyithindu nyaka chieng’.

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

Ezra 8:22

Wiya nokuot kwayo ruoth askeche gi joidh farese ma diritwa e yo kuom wasigu, nikech ne wasewachone ni Nyasaye guedho jogo duto madware, kendo timonigi maber. To mirimbe mager ni kuom jogo duto moweye.

Zaburi 89:31

bende ka ok gidewo wechena,

Isaya 1:28

Joricho duto gi joma piem koda to norum chuth, nimar gidagi biro ira.

Isaya 63:10

To kata kamano, ne gidagi lochne, mi gimiyo Roho mare maler okuyo, eka ne olokore jasikgi, mi okedo kodgi en owuon.

Jeremia 17:13

Ruoth Nyasaye ema jo-Israel ogeno kuome, omiyo ji duto moweye noyud wichkuot. Ginilal nono mana ka nying mondik e buru, nikech giseweyo Ruoth Nyasaye ma en soko mar pi maliw.

Ezekiel 18:24

“To ka ng’at makare oweyo timne makare, mi odonjo e richo, kotimo timbe mamono kendo modwanyore ma joricho ema timo, to koro dobed mangima adier? Ooyo, onge timne makare kata achiel ma napar. To enotho nikech noweya, mi odonjo e richo.

Tich Joote 7:42

To Nyasaye nojwang’ogi, moweyogi mondo gilam sulue mae polo, kaka ondiki e kitap jonabi ni, ‘Apenjou, un jo-Israel, bende an ema nukelona chiwo, kendo utimona misengni kuom higni piero ang’wen mane utieko e thimgo duto?

Rapar mar Chik 4:25

“Ka usedak e pinyno aming’a munywolo nyithindu gi nyikwau, to beduru motang’ mondo kik udonj e richo kuom loso kido moro amora maket.

Rapar mar Chik 4:26

Koro aluongo polo gi piny mondo obed janeno ni, ka timbeu obedo maricho e nyim Ruoth Nyasaye ma Nyasachu kamano, mokecho kodu, to unurum piyopiyo, kendo ok nudag aming’a e piny ma koro ung’ado Jordan mondo udhi ukaw, to notieku chuth.

Jo-Hibrania 10:38

Yie ema nomi ng’ata makare bed mangima. To ka odok chien, to ok nabed mamor kode.”

Joshua 24:21

To ji duto nodwoko Joshua niya, “Ooyo, wabiro tiyo ni Ruoth Nyasaye.”

1 Samuel 12:15

To ka utamoru winjo dwond Ruoth Nyasaye, kendo udagi chikene, to nosandu kaachiel gi ruodhu.

1 Samuel 12:25

To kusiko kutimo richo, to obiro tiekou kaachiel gi ruodhu.”