Joshua 24:2 - MUMA MALER 2015

² Eka Joshua nonyiso ji duto ni Ruoth Nyasaye ma Nyasach Israel owacho kama: “Chon, Tera wuon Ibrahim gi Nahor ma kwereu, nodak loka aora Yufrate, kendo ne gilamo nyiseche mamoko.

Motingʼo Loko Manyien

² Joshua nowachone ji duto niya, “Ma e gima Jehova Nyasaye, ma Nyasach Israel wacho, Chon gi lala kwereu, motingʼo nyaka Tera ma wuon Ibrahim kod Nahor, nodak but Aora Yufrate kendo negilamo nyiseche manono.

Joshua 24:2 Iomraidhean Croise

Chakruok 11:22

Serug ne jahigni piero adek kane onywolo Nahor wuode.

Chakruok 11:24

Nahor ne jahigni piero ariyo gochiko kane onywolo Tera wuode.

Chakruok 11:26

Kane Tera osedoko jahigni piero abiriyo, nonywolo Abram gi Nahor kod Haran.

Chakruok 11:27

Koro magi e joka Tera: Tera nonywolo Abram gi Nahor kod Haran, to Haran nonywolo Lut.

Chakruok 31:19

E kindeno, noyudo ka Laban odhi ng’ado yie rombe, kendo kane pod en kuro, Rahel nokwalo nyisechene,

Chakruok 31:30

Ang’eyo ni ne ia nikech siso ne oloyi gi joodu, to ang’o momiyo nikwalo nyisechena”?

Chakruok 31:32

To ng’ato ang’ata moyud gi nyisecheni nyaka negi! Rang gimoro amora ma mari mondo ikaw ka jowagi neno.” To Jakobo ne ok ong’eyo ni Rahel ema nosekwalo nyisechego.

Chakruok 31:53

Nyasach Ibrahim gi Nyasach Nahor nopog kindwa kodi kwatimo kamano.” Bang’e Jakobo nokuong’ore e nying Nyasaye mane Isaka wuon mare lamo.

Chakruok 35:4

Omiyo ne gimiyo Jakobo nyiseche duto mag pinje moko mane gin go, kod stadi mane giketo e itgi, mi noikogi e tiend yath moro machiegni gi Shekem.

1 Weche mag Ndalo 1:27

Tera nonywolo Abram, ma bang’e niluongo ni Ibrahim.

Isaya 51:2

Adier, paruru Ibrahim wuonu, kod Sara mane onywolou. Kane aluongo Ibrahim, to ne en mana ng’at achiel kende. Bang’e ne aguedhe, mi amiye odoko oganda maduong’.

Ezekiel 16:3

bende nyise ni an Ruoth Nyasaye awacho kama: Ne onywoli e piny Kanaan. Wuoru ne ja-Amor, to meru ne nyar jo-Hiti.

Luka 3:34

wuod Jakobo, wuod Isaka, wuod Ibrahim, wuod Tera, wuod Nahor,

Rapar mar Chik 26:5

Eka ng’atno nowach e nyim Ruoth Nyasaye niya, ‘Kwara ne en ja-Aram mabayo abaya, ma onge gi kar dak. Ne odhi e piny Misri kane pod joge nok, mi gidak kuno. Bang’e ne ginya, mi gidoko oganda maratego man gi ji mang’eny.

Joshua 24:15

Ka ok uikoru mar tiyone, to yieruru tinendeni nyasaye mubiro tiyone. Unyalo tiyone nyiseche mane kwereu lamo loka aora Yufrate, kata nyiseche mag jo-Amor, ma koro udak e pinygini. To an, kaachiel gi jooda, wabiro tiyo ni Ruoth Nyasaye.”