Joshua 24:17 - MUMA MALER 2015

¹⁷ Ruoth Nyasaye ma Nyasachwa ema nogolo kwerewa kod wan bende e piny Misri kuma ne wabedoe wasumbini, kendo ne waneno honni ma notimo. Noritowa kamoro amora mane wadhiye, kendo e kind ogendini mane wawuothoe.

Motingʼo Loko Manyien

¹⁷ En Jehova Nyasaye ma Nyasachwa owuon mane ogolowa gi kwerewa e piny Misri, e piny mane wan wasumbini, kendo motimo ranyisi madongo-go ka waneno. Ne oritowa e wuodhwa duto kendo e kind ogendini duto mane wakalo eigi.

Joshua 24:17 Iomraidhean Croise

2 Weche mag Ndalo 13:10

Wan to Ruoth Nyasaye e Nyasachwa, kendo ok waseweye. Wan gi jodolo ma nyikwa Harun kod jo-Lawi ma konyogi.

Wuok 13:14

Ka chieng’ moro yawuotu penjou ni, ‘Ere tiend gima utimoni?’ To nyaka uduokgi niya, ‘Ruoth Nyasaye nogolowa gi tekone maduong’ e piny Misri, kuma ne wabedoe wasumbini.

Wuok 13:3

Musa nowacho ni jo-Israel niya, “Nyaka upar odiechieng’ ma uwuokie Misrini, nikech Ruoth Nyasaye ogolou gi tekone maduong’ e piny mane ubedoe wasumbini. Makati moketie thowi ok onego cham kawuono,

Wuok 19:4

‘Nuneno gima natimo ni jo-Misri, kendo kaka nakelou ira, ka ating’ou kaka ongo ting’o nyithinde e bwombe.

Isaya 46:4

Kata ka udoko moti, to pod an e En. Adier, kata ka wiu oti lwar, to pod nating’u ating’a. Kaka asechueyou, e kaka abiro ting’ou. Ee, pod abiro ting’ou kendo resou.

Rapar mar Chik 29:2

Musa noluongo jo-Israel duto, mowachonigi niya, “Ne uneno gi wang’u gik moko duto mane Ruoth Nyasaye otimo e piny Misri ni Farao gi jodonge kod pinye duto.

Rapar mar Chik 32:9

To Ruoth Nyasaye owuon noyiero joka Jakobo mondo obed joge owuon, kendo obed mwandune.

Rapar mar Chik 7:19

Paruru timbe madongo mane uneno gi wang’u kod ranyisi gi honni kaachiel gi teko maduong’ mane Ruoth Nyasaye ma Nyasachu ogolougo Misri gi bat morie. Kamano e kaka obiro timo ni ogendini duto muluorogo.

Joshua 24:16

Jo-Israel nodwoko Joshua niya, “Ok wadwar weyo Ruoth Nyasaye kata matin, mondo wati ni nyiseche mamoko.

Joshua 24:18

To bende Ruoth Nyasaye noriembo jo-Amor gi ogendini moko ma nodak e pinyni mondo owenwa thuolo. Kuom mano, wan bende wabiro tiyo ni Ruoth Nyasaye, nimar en Nyasachwa.”