Joshua 24:16 - MUMA MALER 2015

¹⁶ Jo-Israel nodwoko Joshua niya, “Ok wadwar weyo Ruoth Nyasaye kata matin, mondo wati ni nyiseche mamoko.

Motingʼo Loko Manyien

¹⁶ Eka ji nodwoko niya, “Mad gima chal kamano kik timrenwa ka wajwangʼo Jehova Nyasaye, mondo watine nyiseche manono!

Joshua 24:16 Iomraidhean Croise

Zaburi 119:106

Akuong’ora ni anarit chikeni makare, mana kaka ne asingora.

Jo-Rumi 3:6

To mano ok nyal bet kamano, nimar ka Nyasaye ok ni kare, to ere kaka dong’ad ni piny bura?

Jo-Rumi 6:2

Ngang’! Ok kamano! Korka wach richo to wan mana joma otho. Koro ere kaka dwadhi nyime kwadak e richo?

Joshua 22:29

Ok wanyal piem gi Ruoth Nyasaye, bende ok wanyal weyo luwe, kwagero kendo machielo, to mak mana mano mar Ruoth Nyasaye ma Nyasachwa mochung’ e dho Hema Maler.”

Joshua 24:15

Ka ok uikoru mar tiyone, to yieruru tinendeni nyasaye mubiro tiyone. Unyalo tiyone nyiseche mane kwereu lamo loka aora Yufrate, kata nyiseche mag jo-Amor, ma koro udak e pinygini. To an, kaachiel gi jooda, wabiro tiyo ni Ruoth Nyasaye.”

Joshua 24:17

Ruoth Nyasaye ma Nyasachwa ema nogolo kwerewa kod wan bende e piny Misri kuma ne wabedoe wasumbini, kendo ne waneno honni ma notimo. Noritowa kamoro amora mane wadhiye, kendo e kind ogendini mane wawuothoe.

1 Samuel 12:23

To an bende, asingora ni ok naketh e nyim Ruoth Nyasaye, kaweyo lemonu kendu nyisou yo maber kendo makare.