Joshua 23:7 - MUMA MALER 2015

⁷ Kik utim osiep gi joma odong’ e kindugo, bende kik uluong nying nyisechegi kata kuong’oru gi nyinggi, kata lamogi.

Motingʼo Loko Manyien

⁷ Kik uriwru gi ogendini modongʼ e dieru, kik uluong nying nyisechegi kata kik ukwongʼru gi nying-gi. Kik utinegi kata kik ukulrunegi.

Joshua 23:7 Iomraidhean Croise

2 Ruodhi 17:12

Ne gilamo nyiseche manono mane Ruoth Nyasaye okwerogi ni kik gilam.

2 Ruodhi 5:18

To ne nitie gimoro achiel ma Ruoth Nyasaye onego wenae; ruodha pod biro donjo e od Rimon nyasache mondo olem kuro, koyiengore e bada. Obiro kulore e od Rimon, kendo an bende abiro kulora kode, to Ruoth Nyasaye mondo owena kuom timo kamano.”

2 Weche mag Ndalo 7:19

To kulokoru, mi ok umako wechena gi chikena ma naketo e nyimu, mudhi tiyo ni nyiseche ma moko kendo lamogi,

Zaburi 16:4

Joma ringo dhi kuom nyiseche mamoko kelo chandruok mang’eny kuomgi giwegi. Ok anatim kodgi misengni mag remo ma giolo piny, kendo ok nalam nyisechegigo.

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Wuok 23:13

“Mak uru weche duto ma asenyisou. Kik ulam nyiseche mamoko, kendo kik umul nyinggi.

Wuok 23:33

kik uwe gidag e pinyu nimar dipo ka gimiyo uketho e nyima mi ulamo nyisechegi. Mano dilokrenu obadho.”

Ngeche 4:14

Kik idhi kuonde ma joricho dhiye, bende kik iluw timbegi mamono.

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Jeremia 5:7

Ruoth Nyasaye nowacho niya, “Ere gima dimi awe ni joga richogi? Yawuotgi oseweya, mokuong’ore gi nying nyiseche manono. Ne amiyo joga gik moko duto mane gidwaro, to pod ne giterore atera ka giketho sechegi gi mon ma jochode.

Hosea 2:17

Ok nachak awe omul nying Baal kendo. An Ruoth Nyasaye ema awacho kamano.

Zefania 1:5

Bende abiro tieko ji maidho ewi udi, kendo kulore piny kalamo gik manie kor polo, Kod joma lama an Ruoth Nyasaye, to kendo kuong’ore gi nying Milkom, nyasaye manono,

Kwan 32:38

gi Nebo gi Baal-meon, (mane nyinge oloki) kod Sibma. Mago e nying mane gichako mier mane gigerogo.

Kwan 33:55

To ka ok uriembo joma odak e pinyno mondo owenu thuolo, to joma uweyogo nobednu kaka pedo mandhodho wang’u, kendo ka kudho machwowo dendu. Ginibed ka gilaro kodu piny mudakieno,

1 Jo-Korintho 15:33

Kik wuondu! Osiepe maricho ketho timbe mabeyo.

Jo-Efeso 5:11

Beduru mabor gi joma timo timbe mag mudho maonge ohala. To moloyo umi kit timbegi ong’ere ratiro.

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Rapar mar Chik 6:13

Luoruru Ruoth Nyasaye ma Nyasachu, kendo utine. Ka ukuong’oru to nyaka ukuong’ru mana gi nyinge.

Rapar mar Chik 6:14

Kik uluw nyiseche mag ogendini mokiewo kodu,

Joshua 23:12

nikech ka udok chien, mutimo osiep kod ogendini ma pod odong’ e kindu, kendo ukendoru kodgi,

Joshua 23:8

To padreuru kuom Ruoth Nyasaye gi chuny modimbore, mana kaka usetimo nyaka chil kawuono.