Joshua 23:3 - MUMA MALER 2015

³ to useneno gik moko duto ma Ruoth Nyasaye ma Nyasachu osetimo ni ogendini duto, nikech oherou. En ema osebedo kokedonu.

Motingʼo Loko Manyien

³ Un uwegi useneno gigo ma Jehova Nyasaye osetimo ni ogendinigi duto nikech un; ne en Jehova Nyasaye ma Nyasachu ema nokedonu.

Joshua 23:3 Iomraidhean Croise

Wuok 14:14

Ruoth Nyasaye biro kedonu, omiyo un ling’uru aling’a.”

Wuok 19:4

‘Nuneno gima natimo ni jo-Misri, kendo kaka nakelou ira, ka ating’ou kaka ongo ting’o nyithinde e bwombe.

Ezekiel 20:28

Kane akelogi e piny mane asingora ni namigi, to kamoro amora mane ginenoe got mabor kata yath motimo otiep ne gitimoe misengni. Misengni miwang’o kod mago miolo piny mane gitimo, ne omiya mirima.

Malaki 1:5

Ubiro neno gigo gi wang’u ka timore, mi unuwach niya, ‘Kara Ruoth Nyasaye nigi teko kata e pinje mamoko ma ok Israel!’ ”

Rapar mar Chik 1:30

Ruoth Nyasaye ma Nyasachu e jatendu, kendo en ema obiro kedonu, mana kaka nokedonu e Misri cha.’

Rapar mar Chik 20:4

nikech Ruoth Nyasaye ma Nyasachu ema dhi kodu, mondo okednu, kendo olonu wasigu.’

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Rapar mar Chik 7:17

“Dipo ka uwacho niya, ‘Ogendinigi ng’eny mohingowa. Ere kaka dwariembgi?’

Rapar mar Chik 7:24

Enochiw ruodhi mag ogedinigo e lwetu, mi unumi kargi lal chuth, kendo onge kata ng’at achiel kuomgi ma nosiru, to unutiekgi pep.

Joshua 10:14

Pok osebedoe odiechieng’ machal kamano, ma Ruoth Nyasaye owinjoe dwond dhano, nimar chieng’no Ruoth Nyasaye nokedo ni jo-Israel.

Joshua 10:42

Joshua nomako ruodhigo duto, kaachiel gi pinjegi e lweny achielno, nimar Ruoth Nyasaye ma Nyasach Israel nokedo ni joge.

Joshua 23:10

Ng’at achiel kuomu nyalo riembo ji gana achiel, nikech Ruoth Nyasaye ma Nyasachu ema kedonu kaka nosingore.