Joshua 23:16 - MUMA MALER 2015

¹⁶ To ka ok urito singruok ma nomiyou, mi ulamo nyiseche mamoko, to enokech kodu, mi karu nolal nono piyopiyo e piny maber mosemiyouni.”

Motingʼo Loko Manyien

¹⁶ Ka uketho singruok mane kindu gi Jehova Nyasaye ma Nyasachu, mane ochikou, kendo mi udhi ma utiyo ne nyiseche manono kukulorunegi, to mirimb Nyasaye biro olore kuomu, kendo ubiro lal nono piyo e piny maber ma osemiyouni.”

Joshua 23:16 Iomraidhean Croise

1 Ruodhi 14:15

Ruoth Nyasaye biro goyo jo-Israel, mi ginikirni kaka odundu ma pi yiengo, kendo nogol jo-Israel oko e piny maber ma nomiyo kweregini, mi nokegi koterogi loka aora Yufrate nikech gisemiyo Ruoth Nyasaye mirima, ka gichungo sirni milamo miluongo ni Ashera.

1 Ruodhi 9:6

To ka un kata nyithindu, ulokoru muweyo luwa, ka ok umako wechena gi chikena mane aketo e nyimu, mudhi tiyo ni nyiseche mamoko, kendo lamogi,

1 Ruodhi 9:7

to anagol jo-Israel e piny mane amiyogi, kendo Hekalu masewalo ni nyingani naketh, mondo olal e wang’a, mi nying Israel nolok ka ngero, kendo gima ji duto jaro.

2 Ruodhi 17:7

Mano notimore nikech timbe jo-Israel ne ok long’o e nyim Ruoth Nyasaye mane ogologi e piny Misri e bwo loch Farao.

2 Ruodhi 24:20

Jo-Jerusalem gi jo-Juda nomiyo Ruoth Nyasaye mirima, nyaka nogologi e nyime.

Isaya 24:5

Ji modak e piny osedwanyo piny, nikech gidagi rito chike, mi giketho muma mochwere.

Jeremia 32:23

To kane gidonjo e pinyni, mi gidakie, ne ok girito chikeni, bende ne ok giluori. Ne ok gitimo gimoro amora mane isechikogi mondo gitim. Mano emomiyo ne ikelo masirani duto kuomgi.

Jeremia 32:24

“Jo-Babulon osedhuro lowo pidhe pidhe e alwora mar dala, kendo gimonje mondo gikawe. Lweny gi kech kod tuo biro miyo gikawe. A Ruoth Nyasaye, ineno kaka gigo mane iwacho timore.

Kwan 33:56

kendo gima naparo timonigi, ema natimnu.”

Rapar mar Chik 17:3

kolamo kendo okulore ni nyiseche mamoko, kata ni wang’chieng kata ni due kata ni gimoro amora manie kor polo,

Rapar mar Chik 28:15

“To ka ok uluoro Ruoth Nyasaye ma Nyasachu, mi udagi rito chikene gi buchene ma amiyou kawuono, to kuong’ gi duto biro makou:

Rapar mar Chik 6:15

nikech kuluwogi, to Ruoth Nyasaye modak e dieru biro kecho kodu ahinya mi dotieku e wang’ piny, nimar Ruoth Nyasaye ma Nyasachu en Nyasaye ma janyiego.

Jong’ad Bura 2:14

Omiyo Ruoth Nyasaye nokecho kodgi, mi nochiwogi e lwet mony moyakogi. To bende noketogi e lwet wasikgi duto mane olworogi, mi koro ne ok ginyal sirogi kata matin.

Jong’ad Bura 2:20

Kuom mano, Ruoth Nyasaye nokecho gi jo-Israel, mowacho niya, “Ogandani oseketho singruok mane atimo ni kweregi, kendo ok gisemako chikna.

1 Samuel 12:25

To kusiko kutimo richo, to obiro tiekou kaachiel gi ruodhu.”