Joshua 22:9 - MUMA MALER 2015

⁹ Kuom mano, jo-Reuben gi jo-Gad kod jo-Manase konchiel noweyo jo-Israel Shilo e piny Kanaan. Ne gidok Gilead e pinygi, mane Ruoth Nyasaye osechiko Musa ni mondo gikaw.

Motingʼo Loko Manyien

⁹ Omiyo jo-Reuben, jo-Gad kod nus mar dhood Manase noweyo jo-Israel Shilo mantiere Kanaan, mondo gidogi Gilead, pinygi giwegi, mane giyudo kaluwore gi chik Jehova Nyasaye kokalo kuom Musa.

Joshua 22:9 Iomraidhean Croise

2 Samuel 2:9

Nokete ruodh Gilead, gi Asher, gi Jezreel, gi Efraim, gi Benjamin, kendo ruodh jo-Israel duto.

1 Weche mag Ndalo 5:9

Bende ne gidak e yo wuok chieng’ nyaka chop e thim mopogo kindgi gi aora Yufrate, nikech jambgi nosemedore e piny Gilead.

Zaburi 60:7

Piny Gilead gi piny Manase gin maga. Efraim en oguta, kendo Juda en ludha mar loch.

Kwan 32:1

Jo-Reuben kod jo-Gad ne nigi jamni mang’eny, kendo kane gineno ka piny Jazer kod piny Gilead nigi lege mabeyo,

Kwan 32:20

Musa nodwokogi niya, “Ka unyalo rito singruok musesingorugoni, mi uyie kedo e nyim Ruoth Nyasaye,

Kwan 32:22

mokawo pinyno, to un udwog ka, kendo unubed maonge ketho e nyim Ruoth Nyasaye kendo e nyim jo-Israel, mi pinyni nobed maru e nyim Ruloth Nyasaye.

Kwan 32:26

Nyithindwa gi mondwa kod jambwa duto biro dong’ e miech Gilead ka,

Kwan 32:29

“Ka jo-Gad gi jo-Reuben duto ma jolweny ong’ado aora Jordan kodu mondo oked e nyim Ruoth Nyasaye, mi ukawo pinyno, to nyaka upognigi piny Gilead.

Rapar mar Chik 3:18

“E kinde nogono nachiko dhoudi ariyo gi nusgo kama: ‘Ruoth Nyasaye ma Nyasachu osemiyou pinyni mondo obed mwanduu, to jolwenju duto nyaka dong’ e oganda lweny, kendo otel e nyim jo-Israel weteu.

Rapar mar Chik 3:20

To ka Ruoth Nyasaye osekonyo oweteu kaka osekonyou, mi gikawo piny man loka Jordan ma Ruoth Nyasaye ma Nyasachu miyogi, mi gidakie, eka unyalo dok e piny ma asemiyouni, ng’ato ka ng’ato e dalane.’

Rapar mar Chik 34:1

Musa nowuok oa e paw Moab moidho got Nebo nyaka wi Pisga yo wuokchieng’ mar Jeriko, mi Ruoth Nyasaye nonyise piny Kanaan duto, chakre Gilead nyaka Dan,

Joshua 13:11

Noting’o bende piny Gilead kod piny jo-Geshur gi jo-Maakath kod got Hermon duto gi piny Bashan duto nyaka Saleka.

Joshua 13:25

Pinygi ne en Jazer gi miech Gilead duto kod piny jo-Amon konchiel nyaka Aroer man yo wuok chieng’ mar Raba.

Joshua 13:31

Kamano dir Gilead konchiel gi Ashtaroth kod Edrei, ma gin joka Makir wuod Manase, tiende ni dhout joka Makir konchiel.

Joshua 22:10

To kane gichopo Geliloth man but aora Jordan, ne gigero kendo mang’ongo mar misango e bath aora kanyo, mane ji nyalo neno gi kuma bor.

Jong’ad Bura 20:1

Jo-Israel duto, chakre Dan nyaka Beer-sheba, kaachiel gi Gilead, noyworo ni lweny, mochokore Mizpa e nyim Ruoth Nyasaye maonge ng’at modong’.

Jong’ad Bura 5:17

Jo-Gilead bende nodong’ loka Jordan. To ang’o momiyo jo-Dan nodong’ kuma yiedhi gowoe? Jo-Asher nobet e dhonam, kuma aore wuokie.