Joshua 22:5 - MUMA MALER 2015

⁵ Neuru ni urito chik duto mane Musa jatich Ruoth Nyasaye omiyiou. Heruru Ruoth Nyasaye ma Nyasachu, kuluwo yorene, kendo kurito chikene. Padreuru kuome, kutiyone gi chunyu duto.”

Motingʼo Loko Manyien

⁵ To beduru motangʼ kurito puonj kod chike mane Musa jatich Jehova Nyasaye omiyou kama: heruru Jehova Nyasaye ma Nyasachu, wuothuru e yorene duto, luoruru chikene, padreuru kuome kendo tineuru gi ngimau duto.”

Joshua 22:5 Iomraidhean Croise

Zaburi 106:3

Joma orito chikene, kendo ma pile timo gik makare, gin johawi!

Zaburi 78:7

Kamano joma birogo noket genogi kuom Nyasaye, kendo wigi ok nowil gi gima ne osetimo, to pile ginirit chikene.

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Wuok 20:6

to tienge gana gi gana mohera kendo momako chikna, to ahero gi hera mosiko.

Wuok 23:13

“Mak uru weche duto ma asenyisou. Kik ulam nyiseche mamoko, kendo kik umul nyinggi.

Wuok 23:25

Lamauru, an Ruoth Nyasaye ma Nyasachu, mi anaguedhu gi chiemo kod pi, bende anatiek tuoche duto kuomu.

Ngeche 4:23

Chunyi e kama ngimani ochakoree, emomiyo rite ka mwanduni migenoe moloyo.

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Mathayo 22:37

Yesu nodwoke ni, “Her Ruoth Nyasachi gi chunyi duto, kendo gi paroni duto, kendo gi riekoni duto.

Mathayo 4:10

To Yesu nodwoke ni, “Dhi kucha, Satan! Muma wacho ni, ‘Ng’ato nyaka lam mana Nyasache, kendo en kende ema nyaka otine.’ ”

Mathayo 6:24

“Onge ng’ama nyalo tiyo ni ruodhi ariyo, nikech dosin gi moro, to ohero machielo, kata domi achiel luor, to ochayo machiel. Omiyo, ok unyal tiyo ni Nyasaye, mi kendo uchak uti ni mwandu.

Luka 1:74

kokuong’ore ni noreswa e lwet wasikwa kendo ni nomi watine maonge luoro,

Johana 12:26

Ka ng’ato tiyona, to nyaka oluwa, kendo kama antie ema jatichna bende nobedie. Ka ng’ato tiyona, to Wuora nomiye duong’.

Johana 14:15

“Ka uhera to unumak chikena.

Tich Joote 11:23

Kane ochopo kuno, mi oneno kaka Nyasaye oseguedho ji, ne odoko mamor, mi ojiwogi giduto, mondo giket chunygi kuom Ruoth, kendo gipadre kuome.

Tich Joote 27:23

Ang’eyo kamano nikech nyoro gotieno malaika mar Nyasaye ma an ng’ate, kendo ma atiyone, nyoro obiro ira,

Jo-Rumi 1:9

To Nyasaye ma atiyone gi chunya duto ka alando Wach Maber man kuom Wuode, ong’eyo kaka aparou e lemona kinde duto.

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

Jo-Rumi 8:28

Wang’eyo ni Nyasaye omiyo gik moko duto tiyo kaachiel mondo joma ohere oyud gueth. Jogo gin joma oseluongo kaka odwaro.

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Rapar mar Chik 11:1

“Heruru Ruoth Nyasaye ma Nyasachu, kendo nyaka urit chikene gi buchene ndalo duto.

Rapar mar Chik 11:13

Omiyo kurito chike ma amiyou kawuonogi, mi uhero Ruoth Nyasaye ma Nyasachu, kendo utiyone gi chunyu duto,

Rapar mar Chik 11:22

“Ka urito chike ma amiyougi adimba, mi uhero Ruoth Nyasaye ma Nyasachu, kendo uwuotho e yorene duto, kuketo chunyu kuome,

Rapar mar Chik 13:4

Luwuru Ruoth Nyasaye ma Nyasachu kumiye duong’ kendo kurito chikene. Winjuru gima owacho, kendo lameuru kupadoru kuome.

Rapar mar Chik 4:29

To kudwaro Ruoth Nyasaye ma Nyasachu gi chunyu duto gi adiera kuonde moterouego, to unuyude.

Rapar mar Chik 4:4

To un mane upadoru kuom Ruoth Nyasaye ma Nyasachu, pod ungima uduto nyaka chil kawuono.

Rapar mar Chik 4:6

Ritgiuru adimba, nimar mano biro nyiso ogendini mamoko ni uriek. Ka giniwinj chikegi eki, to giniwach niya, ‘Onge oganda moro mariek ka oganda maduong’ni.’

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Rapar mar Chik 5:10

to tienge gana gi gana mohera kendo momako chikena, ahero gi hera mosiko.

Rapar mar Chik 6:17

Nyaka urit malong’o chike Ruoth Nyasaye ma Nyasachu, kaachiel gi wechene kod buchene moko mane omiyou.

Jo-Hibrania 12:15

Ritreuru mondo une ni onge ng’ato kuomu molal, kendo oweyo ng’wono mar Nyasaye, bende kik sigu moro bed e kindu, manyalo kelo chandruok, mi keth ji mang’eny.

Jakobo 1:12

Ng’at ma nano ka iteme en jahawi, nikech koseloyo tem to noyud osimbo mar ngima ma Ruoth nosingore ni nomi jogo mohere.

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?

Joshua 23:8

To padreuru kuom Ruoth Nyasaye gi chuny modimbore, mana kaka usetimo nyaka chil kawuono.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!

1 Samuel 12:20

Samuel nodwokogi ni, “Kik uluor. En adier ni usetimo richogo duto, to kata kamano meduru mana luwo Ruoth Nyasaye, kendo tineuru gi chunyu duto.

1 Samuel 12:24

Mak mana ni, luoruru Ruoth Nyasaye, kutiyone gi adiera kod chunyu duto, kendo paruru gik madongo mosetimonu.

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”