Joshua 22:34 - MUMA MALER 2015

³⁴ Jo-Reuben gi jo-Gad noluongo kendono ni ‘Rapar’, nikech ne giwacho niya, “Noparnwa waduto ni Ruoth Nyasaye en Nyasaye.”

Motingʼo Loko Manyien

³⁴ Dhood Reuben kod Gad nomiyo kendo mar misangono nying machalo kama: Ranyisi e Kindwa ni Jehova Nyasaye en Nyasaye.

Joshua 22:34 Iomraidhean Croise

Chakruok 31:47

Laban nochako nying kanyo ni Jegar-sahadutha, to Jakobo nochake ni Galeed. (Jegar-sahadutha en dho Aram, to Galeed en dho Hibrania. Tiend nying ariyogo en pidh kite mobedo ka janeno.)

Chakruok 31:48

Laban nowacho niya, “Chakre kawuono, pidh kiteni biro bedo ka janeno e kindwa kodi”. Mano emomiyo nochak kanyo ni Galeed.

1 Ruodhi 18:39

Kane ji duto oneno gima otimore, ne gipodho piny auma, ka giwacho niya, “Ruoth Nyasaye e Nyasaye! Adier, Ruoth Nyasaye e Nyasaye!”

Isaya 19:19

E kindego, nobedie kendo-mar-misango mar Ruoth Nyasaye e dier Misri, kod siro maler mochung’ ni Ruoth Nyasaye e tong’ piny Misri.

Isaya 43:10

To ka ok ginyal, to koro, An Ruoth Nyasaye awacho kama: “An to an gi joneno. Un jo-Israel e joneno maga, kendo jotichna. Aseyierou mondo ung’eya, kendo uket genou kuoma. Bende mondo ung’e ni an e Nyasaye. Nyasaye moro motelona ne pok obedoe, bende moro maluwa ok nobedie.

Mathayo 4:10

To Yesu nodwoke ni, “Dhi kucha, Satan! Muma wacho ni, ‘Ng’ato nyaka lam mana Nyasache, kendo en kende ema nyaka otine.’ ”

Joshua 22:27

mana ni mondo obed ranyisi ni jowa gi jou, kod joma nobi bang’wa, ni walamo Ruoth Nyasaye gi misengni miwang’o gi mag sawo kod mamoko. To kata kamano ne ok wagere mondo watimie misango. Kamano nyikwau ok nonyal wacho ni nyikwawa ni ok gin jo Ruoth Nyasaye.

Joshua 24:27

Eka nowacho ni ji duto niya, “Uneno kidini? Nobednwa janeno, nikech osewinjo weche duto ma Ruoth Nyasaye owachonwa. Kuom mano, nobednu janeno mondo kik uwe luwo Ruoth Nyasaye.”